ماجارستاننىڭ دەبرەتسەن قالاسىندا ٶتٸپ جاتقان بوكستان يشتۆان بوشكاي تۋرنيرٸندە تٶرت قازاقستاندىق فينالعا شىقتى, دەپ حابارلادى ۇلتتىق قۇرامانىڭ باس باپكەرٸ عالىمبەك كەنجەباەۆ.
اقتىق بەسەكەگە ەرلەر اراسىندا ماحمۇد سابىرحان (52 كەلٸ), تالعات شەيكەن (69 كەلٸ) ايبەك ورالباي (91 كەلٸ) جەنە بۇرىمدى بوكسشىلارىمىزدان ريمما ۆولوسەنكو (60 كەلٸ) ٶتتٸ.
52 كەلٸ سالماقتا التىن مەدال ٷشٸن ماحمۇد سابىرحان ٷندٸستاندىق لالتحا پراسات پوليپاليمەن جۇدىرىق تٷيٸستٸرسە, تالعات شەيكەن ٶز سالماعىندا فرانتسييالىق ۋاحيت حامبيمەن كەزدەسەدٸ. ايبەك ورالباي بولسا ٷندٸستاندىق گاۋراف چاۋحانعا قارسى ايقاسادى.
ال فينالعا شىققان جالعىز قازاقستاندىق بويجەتكەن ريمما ۆولوسەنكو رەسەيلٸك ەكاتەرينا ديننيكپەن «التىنعا» تالاسادى.
بوكسشىلاردىڭ فينالدىق بەسەكەسٸ بٷگٸن ماجارستان ۋاقىتى بويىنشا ساعات 17.00-دە (نۇر-سۇلتان ۋاقىتىمەن 21.00) باستالادى.
