ماجارستاننىڭ سىرتقى ەكونوميكالىق بايلانىستار جەنە سىرتقى ٸستەر مينيسترٸ پەتەر سييارتو ٶز ەلٸنٸڭ قازاقستاننان الاتىن مۇناي كٶلەمٸن ارتتىرعانىن مەلٸم ەتتٸ, دەپ حابارلايدى قازاقپارات.
ماجارستاننىڭ سىرتقى ەكونوميكالىق بايلانىستار جەنە سىرتقى ٸستەر مينيسترٸ پەتەر سييارتو قازاقستانعا جۇمىس ساپارى بارىسىندا قر پرەمەر-مينيسترٸنٸڭ ورىنباسارى – سىرتقى ٸستەر مينيسترٸ مۇحتار تٸلەۋبەردٸمەن بٸرگە باق ٶكٸلدەرٸنٸڭ الدىنا شىعىپ, سۇراقتارعا جاۋاپ بەردٸ.
«بٸزدەگٸ قاجەتتٸلٸكتٸڭ 65%-ىن رەسەي مۇنايى جاۋىپ وتىر. بۇل بٸز وسىلاي ويلاستىرعاندىقتان جاسالعان نەرسە ەمەس. ماجارستاندى ەنەرگييامەن قامتاماسىز ەتۋدٸڭ جالعىز فيزيكالىق جولى وسى بولىپ تۇر. ياعني, مۇناي قۇبىرىن سالۋ ٶتە قىمبات ەرٸ ٶتە كٶپ ۋاقىتتى قاجەت ەتەدٸ. وسىنىڭ بەرٸن ەسكەرگەندٸكتەن قاجەتتٸ مۇنايدىڭ 65 پايىزىن «درۋجبا» مۇناي قۇبىرى ارقىلى الىپ وتىرمىز. بۇل - كٷن سايىن 20 مىڭ توننا مۇناي دەگەن سٶز», - دەدٸ پەتەر سييارتو.
سونداي-اق, ول مۇناي يمپورتىندا قازاقستاننىڭ ٷلەسٸ ارتقانىن اتاپ ٶتتٸ.
«كەيٸنگٸ كەزدە قازاقستاننان مۇناي ساتىپ الۋ كٶلەمٸن دە كٶبەيتتٸك. قازٸرگٸ تاڭدا بٸز تۇتىناتىن مۇنايدىڭ 16%-ى قازاقستاننان كەلەدٸ. بۇل كٶلەم دە رەسەي ارقىلى بٸرٸكتٸرٸلگەن مۇناي قۇبىرىمەن جەتەدٸ. بۇل مەسەلە تٷبەگەيلٸ ۇلتتىق مٷددەمٸزگە ساي قارالىپ جاتقانىن اتاپ ٶتكٸم كەلەدٸ. بۇل تۋرالى باتىستىڭ نەمەسە شىعىستىڭ نە ويلايتىنى ماڭىزدى ەمەس. بٸز ٷشٸن جالعىز مەسەلە ماڭىزدى, ول – ماجارستاندى ەنەرگييامەن قامتاماسىز ەتۋ. بۇل ٸسكە قاتەر تٶنبەۋٸ كەرەك. ەشكٸم ماجار حالقىنىڭ ۋكرايناداعى شيەلەنٸس ٷشٸن قالتاسىنان قۇن تٶلەگەنٸن تالاپ ەتە المايدى», - دەدٸ ماجارستان ٶكٸلٸ.
