بٷگٸن «بوزوق» مەملەكەتتٸك تاريحي-مەدەني مۋزەي-قورىعى «بوزوق كٶنە قالاشىعىنىڭ ارحەولوگييالىق قازبا جۇمىستارى نەگٸزٸندە اشىق اسپان استىنداعى ۇلتتىق پارك قۇرۋ» جوباسىن ٸسكە اسىرۋ اياسىندا ماجارستان حالىق رەسپۋبليكاسىنىڭ ٶكٸلدەرٸمەن كەزەكتٸ كەزدەستٸ.
بۇل تۋرالى بٷگٸن مۋزەي ٶكٸلدەرٸ Facebook پاراقشاسىندا جازدى, دەپ حابارلايدى "ۇلت اقپارات".
وندا ۇلتتىق پارك اۋماعىندا تاريحي عۇندار قونىسىن قالپىنا كەلتٸرۋ جوسپارلانىپ جاتقاندىعى ايتىلادى.
«ونىڭ قايتا قۇرىلۋى عۇنداردىڭ ەرتەدەگٸ تٷرٸكتەرمەن تىعىز بايلانىسىمەن انىقتالادى. كەزدەسۋ بارىسىندا ماجارستاندىق «تۇران» قورىنىڭ جەتەكشٸسٸ اندراش جولت بيرو, بۋداپەشت قالاسىنىڭ تابيعي تاريح مۋزەيٸنٸڭ ديرەكتورى جەنە عىلىمي قىزمەتكەرٸ عۇندار قونىستارىن زەرتتەۋ جەنە قايتا قۇرۋ, ارحەولوگييالىق وبەكتٸلەردٸ مۋزەيگە اينالدىرۋ بٶلٸگٸندە جوبانى قولداۋعا دايىن ەكەندٸكتەرٸن بٸلدٸردٸ», - دەلٸنگەن حابارلامادا.
