ماجارستان قازاقستاندىقتارعا 250 بٸلٸم گرانتىن ۇسىنادى. وتانداستارىمىز «Stipendium Hungaricum» ستيپەندييالىق باعدارلاماسى شەڭبەرٸندە قر بٸلٸم جەنە عىلىم مينيسترلٸگٸ مەن ماجارستان رەسپۋبليكاسىنىڭ ادامي رەسۋرستار مينيسترلٸگٸ اراسىنداعى كەلٸسٸمدەردٸڭ ارقاسىندا ماجارستاننىڭ جوعارى وقۋ ورىندارىندا تەگٸن وقي الادى, دەپ حابارلايدى "ۇلت اقپارات".
«قازٸر وسىنداي ٷكٸمەتارالىق كەلٸسٸمدەر اياسىندا ٷمٸتكەرلەردٸ ٸرٸكتەۋ ەرەجەلەرٸن جەتٸلدٸرۋ بويىنشا جۇمىس ٸستەپ جاتىرمىز. حالىقتىڭ ەلەۋمەتتٸك وسال توپتارى ٷشٸن, مىسالى, كٶپبالالى وتباسىلاردان شىققان بالالار, جەتٸم جەنە ەرەكشە وقۋ قاجەتتٸلٸكتەرٸ بار بالالار, سونداي-اق اۋىلدىق جەرلەردەن كەلگەن ٷمٸتكەرلەر ٷشٸن ارتىقشىلىقتار قاراستىرىلعان», – دەدٸ حالىقارالىق باعدارلامالار ورتالىعىنىڭ باسقارما تٶراعاسى ەنۋار جانعوزين.
«Stipendium Hungaricum» ستيپەندييالىق باعدارلاماسى قازاقستاندىقتارعا كەلەسٸ باعدارلامالار بويىنشا 250 گرانت ۇسىنادى:
باكالاۆريات بويىنشا 110 ورىن;
ماگيستراتۋرا بويىنشا 90 ورىن;
باكالاۆريات+ماگيستراتۋرا بويىنشا 30 ورىن;
دوكتورانتۋرا بويىنشا 20 ورىن.
گرانتتار ماجار تٸلٸن اكادەمييالىق ماقساتتا ٷيرەنۋ كۋرستارىن, جاتاقحانا اقىسىن, مەديتسينالىق ساقتاندىرۋعا جۇمسالاتىن شىعىنداردى ٶتەيدٸ. سونداي-اق ستۋدەنتتەرگە اي سايىنعى ستيپەندييا تٶلەنەدٸ.
وقىتۋ اعىلشىن جەنە ماجار تٸلدەرٸندە ٶتەدٸ. ٷمٸتكەرلەر بٸر جىلدىق ماجار تٸلٸ كۋرسىنان ٶتكەن سوڭ سول تٸلدە وقيتىن بولسا, تاڭدالعان باعدارلاما بويىنشا وقيدى.
«Stipendium Hungaricum» ستيپەندييالىق باعدارلاماسى تۋرالى تولىعىراق اقپارات قوسىمشا «حالىقارالىق باعدارلامالار ورتالىعى» اق سايتىندا نەمەسە قر بٸلٸم جەنە عىلىم مينيسترلٸگٸنٸڭ سايتىندا جارييالانادى.
«حالىقارالىق باعدارلامالار ورتالىعى» اق باسقا ەلدەرمەن ىنتىماقتاستىق ورناتۋ بويىنشا جۇمىس جٷرگٸزٸپ جاتىر.
2021 جىلى قازاقستان «بولاشاق» حالىقارالىق ستيپەنديياسى بويىنشا جاڭا ەلدەرمەن جەنە جوعارى وقۋ ورىندارىمەن بايلانىس ورناتتى. 2021-2023 جىلدارى بٸلٸم الاتىن جوعارى وقۋ ورىندارىنىڭ سانى 138-دەن 207-گە ٶستٸ.
