اۋعانستاننىڭ مازاري-شاريف قالاسىندا قازاقستاندىق استىق تەرمينالىن نە ۇن قويماسىن سالۋدىڭ قاجەتٸ جوق. بۇل جايىندا مەجٸلٸس دەپۋتاتتارىنىڭ رەسمي ساۋالىنا جاۋاپ بەرگەن قر پرەمەر-مينيسترٸ اسقار مامين ايتتى, دەپ حابارلايدى "ۇلت اقپارات".
ايتا كەتەرلٸگٸ, مەجٸلٸستٸڭ بٸر توپ دەپۋتاتى ٷكٸمەت باسشىسىنىڭ اتىنا جولداعان ساۋالىندا قازاقستاننىڭ استىعى مەن ۇنىن اۋعان جەنە تٷرٸكمەن نارىعىنا شىعارۋ ٷشٸن اۋعانستان رەسپۋبليكاسىنىڭ مازاري-شاريف قالاسىندا نەمەسە ٶزگە شەكارالاس قالادا استىق ەلەۆاتورىن نە ۇن قويماسىن سالۋ مٷمكٸنشٸلٸگٸن قاراستىرۋدى ۇسىنعان بولاتىن. دەپۋتاتتاردىڭ اتاپ ٶتۋٸنشە, مۇنداي تەرمينال نە قويما اۋعانستان اۋماعىندا استىق پەن ۇن ساۋداسىنىڭ جاندانۋىنا سەپتٸگٸن تيگٸزەدٸ.
وسى مەسەلەگە قاتىستى رەسمي جاۋاپ بەرگەن اسقار مامين 2018 جىلى «قازاقستان تەمٸر جولى» كومپانيياسى «ۋزبەكيستون تەمير يۋللاري» اق, «تۋركمەندەميريوللارى» اگەنتتٸگٸ, تٷرٸكمەنستان تەمٸر جول كٶلٸگٸ مينيسترلٸگٸ جەنە اۋعانستان تەمٸر جولدارى باسقارماسىنىڭ, مٷددەلٸ ۇيىمداردىڭ قاتىسۋىمەن كٶپجاقتى كەزدەسۋ ٶتكٸزگەن. وندا قازاقستان تاراپىنىڭ اۋعانستان اۋماعىندا تەرمينالدار, استىق ەلەۆاتورى مەن ۇن قويماسىن سالۋى مەسەلەسٸن قاراستىرعان.
«ساراپشىلار ٶزبەك-اۋعان جەنە تٷرٸكمەن-اۋعان شەكاراسىنداعى كٶلٸك-لوگيستيكالىق ينفراقۇرىلىمدى باعالاي كەلە, قولدانىستاعى تەرمينالداردىڭ تولىق جٷكتەمەگە يە بولماي قالۋ تەۋەكەلٸنە بايلانىستى قازاقستاندىق تاراپتىڭ قوسىمشا تەرمينال مەن ەلەۆاتور سالۋى ماقساتقا ساي ەمەس دەگەن قورىتىندىعا كەلدٸ», - دەدٸ پرەمەر-مينيستر.
