ماۋسىم ايىنىڭ قورىتىندىسىندا ازىق-تٷلٸكتٸڭ ەلەمدٸك باعاسى شامامەن 34 پايىزعا ٶستٸ. بۇل تۋرالى ٷكٸمەتتٸڭ كەڭەيتٸلگەن وتىرىسىندا قر پرەمەر-مينيسترٸ اسقار مامين ايتتى, دەپ حابارلايدى قازاقپارات.
«بيىلعى بٸرٸنشٸ جارتىجىلدىقتا ٷكٸمەت ەكونوميكانى قالپىنا كەلتٸرۋ جەنە ونى ورنىقتى ٶسۋ سەرپٸنٸنە شىعارۋ, حالىق پەن بيزنەسكە قاجەتتٸ قولداۋ كٶرسەتۋ جۇمىستارىن جالعاستىردى. قازٸرگٸ جاڭا بولمىستا ەكونوميكانى ىنتالاندىرۋدىڭ بارلىق قۇرالدارىن كەشەندٸ تٷردە پايدالانۋ ەكونوميكالىق بەلسەندٸلٸكتٸ قولداۋعا مٷمكٸندٸك بەردٸ. حالىقارالىق ۇيىمدار بيىل ەلەمدٸك ەكونوميكانىڭ قالپىنا كەلۋ قارقىنى جوعارى بولادى دەپ جوسپارلاپ وتىر. وسى تۇرعىدا تاۋار نارىقتارىنداعى باعالار ٶسۋدە», - دەدٸ اسقار مامين.
ونىڭ دەرەگٸنشە, جىل باسىنان بەرٸ مۇناي 44 پايىزعا قىمباتتاپ, 1 باررەلٸ 73 دوللارعا دەيٸن جەتتٸ. مەتالل باعاسى دا ٶستٸ.
«جاھاندىق جەنە ٶڭٸرلٸك ٶندٸرٸس پەن ساۋدا بايلانىستىڭ بۇزىلۋىنا كليماتتىق جاعدايلاردىڭ ٶزگەرۋٸنە بايلانىستى سوڭعى 10 جىلدا ازىق-تٷلٸكتٸڭ ەلەمدٸك باعاسى نەعۇرلىم جوعارى قارقىنمەن ٶسۋدە. ماۋسىم ايىنىڭ قورتىندىسى بويىنشا ازىق-تٷلٸكتٸڭ ەلەمدٸك باعاسى شامامەن 34 پايىزعا ٶستٸ. ەلەمدٸك ينفلياتسييانىڭ ٶسۋٸ, قارجى نارىقتارىندا تۇراقسىزدىق, سونداي-اق ۆيرۋستىڭ جاڭا مۋتاتسييالارىنىڭ پايدا بولۋى جاعدايىندا جاھاندىق ەكونوميكادا بەلگٸسٸزدٸك فاكتورلارى جوعارى دەڭگەيدە قالىپ وتىر», - دەدٸ ٷكٸمەت باسشىسى.
