ۇلتتىق بانك تٶراعاسى ەربولات دوساەۆ ٷكٸمەتتٸڭ كەڭەيتٸلگەن وتىرىسىندا ۆاليۋتا نارىعىنداعى احۋالعا توقتالدى, دەپ حابارلايدى "ۇلت اقپارات".
ۇلتتىق بانك تٶراعاسىنىڭ ايتۋىنشا, بٷكٸل ەلەمدە ەكونوميكالىق ٶسٸمنٸڭ كەيٸنگە شەگەرۋلٸ سالدارىنان قازٸر سەرپٸلٸستەر بولىپ جاتىر. بۇل ٶز كەزەگٸندە قازاقستاننىڭ ماكروەكونوميكاسىندا شەتەل ۆاليۋتاسىنا دەگەن سۇرانىستى ارتتىرىپ, تەڭگەگە بٸرشاما قىسىم تٷسٸرٸپ وتىر. دەگەنمەن, ماۋسىم ايىندا مۇناي باعاسىنىڭ نىعايۋى تەڭگەنٸڭ باعامىنا دا وڭ ەسەر ەتكەن.
«بٸرٸنشٸ جارتىجىلدىقتا ۆاليۋتا نارىعى سىرتقى نارىقتاردىڭ قۇبىلمالىلىعىنا قاراماستان ايتارلىقتاي تۇراقتى بولدى. ماۋسىم ايىنىڭ قورىتىندىسى بويىنشا مۇناي باعاسىنىڭ 8,4%-عا ٶسۋٸ تەڭگە باعامىن 0,9%-عا نەمەسە 425 تەڭگەگە دەيٸن نىعاتتى», - دەدٸ ۇلتتىق بانك باسشىسى.
ەربولات دوساەۆتىڭ ايتۋىنشا, يمپورتقا دەگەن سۇرانىس تەڭگە باعامىنا قىسىم كٶرسەتۋٸن جالعاستىرا بەرمەك.
«ەكٸنشٸ توقساننان باستاپ ٸسكەرلٸك بەلسەندٸلٸكتٸ قالپىنا كەلتٸرۋ, يمپورتقا كەيٸنگە قالدىرىلعان سۇرانىستى ٸسكە اسىرۋ جەنە شەتەلدٸك ينۆەستوردىڭ ديۆيدەندتٸك تٶلەمدەرٸ ەسەبٸنەن سۇرانىستىڭ ارتۋى بايقالادى. اتالعان فاكتورلاردى ەسكەرسەك, شەتەل ۆاليۋتاسىنا ٶسٸپ كەلە جاتقان سۇرانىس پەن اقش دوللارىنىڭ بيىلدىڭ ٶزٸندە 2,8 پايىزعا جاھاندىق نىعايۋى تەڭگەگە ەلەۋلٸ قىسىم كٶرسەتۋٸن جالعاستىرىپ وتىر» - دەدٸ ۇلتتىق بانك تٶراعاسى.
