ماۋسىم ايىنان باستاپ 18 ۋچاسكە اقىلى جٷيەگە اۋىسادى. بۇل تۋرالى «QazAvtoJol» كومپانيياسى حابارلادى.
ينفراقۇرىلىمدى دامىتۋدىڭ «نۇرلى جول 2020-2025» مەملەكەتتٸك باعدارلاماسىنىڭ اياسىندا ەلٸمٸزدە 11 مىڭ شاقىرىم اۆتوجول اقىلى جٷيەگە اۋىسادى. ونىڭ ٸشٸندە جالپى ۇزىندىعى 5,8 مىڭ شاقىرىمدى قۇرايتىن 18 ۋچاسكە اعىمداعى جىلدىڭ ماۋسىم ايىنان باستاپ پايدالانۋعا بەرٸلەدٸ. بۇل: شىمكەنت-ٶزبەكستان شەكاراسى, ورال-رەسەي فەدەراتسيياسىنىڭ شەكاراسى (ساراتوۆ), ورال-رەسەي شەكاراسى (سامارا), رەسەي شەكاراسى (ورىنبور)-اقتٶبە, ششۋچينسك-پەتروپاۆل, شىمكەنت-قىزىلوردا, شىمكەنت-تاراز, تاراز-قاينار, قاپشاعاي-تالدىقورعان, قارابۇتاق-قىزىلوردا, اقتٶبە-ورال, اتىراۋ- بەينەۋ- ٶزبەكستان شەكاراسى, اقتاۋ-بەينەۋ, قوستاناي-رەسەي شەكاراسى (ترويتسك), نۇر-سۇلتان-قوستاناي, پاۆلودار- رەسەي شەكاراسى (ومبى), نۇر-سۇلتان-پاۆلودار, پاۆلودار-سەمەي-قالباتاۋ ۋچاسكەلەرٸ.
ەر ۋچاسكە بويىنشا قانداي اۆتوكٶلٸكتەردەن تٶلەماقى الىناتىنى تاس جولدىڭ تەحنيكالىق ساناتىنا تٸكەلەي بايلانىستى. مەسەلەن, ٸ-تەحنيكالىق ساناتتاعى تاس جولداردا بارلىق اۆتوكٶلٸكتەر, ال ٸٸ جەنە ٸٸٸ-تەحنيكالىق ساناتتاعى تاس جولداردا تەك جٷك كٶلٸكتەرٸ تٶلەم جاسايدى. وسى سەتتە, العاشقى اقىلى ۋچاسكە ەنگٸزٸلگەن كەزدەن باستاپ بٷگٸنگٸ كٷنگە دەيٸن اقىلى جولداردىڭ تاريفتەرٸنە ٶزگەرٸس ەنگٸزٸلمەگەنٸن, باعانىن ٶسپەگەنٸن ەرەكشە اتاپ ٶتۋ قاجەت. ال جاڭا اقىلى ۋچاسكەلەر بويىنشا تٶلەم مٶلشەرلەمەسٸ قر يندۋسترييا جەنە ينفراقۇرىلىمدىق دامۋ مينيسترلٸگٸنٸڭ قاراستىرۋىندا. سونداي-اق, تەستٸك پايدالانۋ بارىسىندا اۆتوكٶلٸكتەردەن ۋاقىتشا تٶلەم الىنبايدى.
مەملەكەتتٸك باعدارلامانى جٷزەگە اسىرۋ جوسپارىنىڭ نەگٸزٸندە, قازاقستان رەسپۋبليكاسىنىڭ يندۋسترييا جەنە ينفراقۇرىلىمدىق دامۋ مينيسترلٸگٸ مەن «QazAvtoJol» ۇك» اق بٸرلەسٸپ تٶلەم الۋدىڭ «اشىق جٷيەسٸن» ەنگٸزۋ تۋرالى شەشٸم قابىلدادى.
جٷيەنٸڭ ەرەكشەلٸگٸ – ۋچاسكەلەردە شلاگباۋمدار بولمايدى. اۆتوكٶلٸكتەردٸڭ جٷرٸپ ٶتكەن جولى تۋرالى اقپارات اركالاردا ورنالاسقان ارنايى كامەرالار ارقىلى تٸركەلەدٸ.
تٶلەم اۆتوكٶلٸكتٸڭ مەملەكەتتٸك تٸركەۋ نٶمٸرٸ بويىنشا جاسالادى. سونداي-اق, تٶلەماقى مەن اۆتوكٶلٸك تۋرالى تولىق اقپارات الۋعا مٷمكٸندٸك بەرەتٸن ارنايى بەلگٸلەردٸ (RFID-بەلگٸ) جاپسىرۋ دا كٶزدەلگەن.
جاڭا اقىلى ۋچاسكەلەر جٷرگٸزۋشٸلەر مەن جولاۋشىلاردىڭ ساپارى جايلى بولۋى مەن قاۋٸپسٸزدٸگٸن قامتاماسىز ەتەدٸ. جول-كٶلٸك اپاتى ازايىپ, جول ينفراقۇرىلىمى, جول بويىنداعى سەرۆيس نىساندارى, تەۋلٸك بويى ۇسىنىلاتىن سەرۆيس بەلسەندٸ داميتىن بولادى.
اقىلى جٷيە ەنگٸزٸلمەستەن بۇرىن اۆتوجولدار قايتا جاڭارتىلاتىنىن ەسكەرۋ قاجەت. قايتا جاڭارتۋعا دەيٸنگٸ جەنە جاڭا جولدارداعى جول-كٶلٸك اپاتىنىڭ كٶرسەتكٸشتەرٸنە سٷيەنەتٸن بولساق, اقىلى جولداردى پايدالانۋعا بەرگەننەن كەيٸن جول-كٶلٸك اپاتتارىنىڭ سانى ازاياتىنى دەلەلدەنگەن. مىسالى, قايتا جاڭارتۋ جۇمىستارى جٷرگٸزٸلگەننەن كەيٸن «اقتٶبە-ورال-رەسەي شەكاراسى» اۆتوجولىنداعى كٶلٸك اپاتى 25%-عا, «نۇر-سۇلتان-پاۆلودار» اۆتوجولىندا 46%-عا, «قىزىلوردا-شىمكەنت-تاراز» اۆتوجولىندا 43%-عا, ال «پاۆلودار-سەمەي-قالباتاۋ» ۋچاسكەسٸندە 62%-عا تٶمەندەگەن.
جاڭا اقىلى ۋچاسكەلەر كٶلٸك قوزعالىسىنا قاتىسۋشىلاردىڭ قاۋٸپسٸزدٸگٸن قامتاماسىز ەتۋ ۇستانىمى بويىنشا سالىنعان. سول سەبەپتٸ, ولار ەنگٸزٸلگەن سەتتەن باستاپ رەسپۋبليكالىق ماڭىزى بار اۆتوجولداردا جول-كٶلٸك اپاتىنىڭ سانى ازايادى دەپ جوسپارلانعان.
