ۇلتىمىز ٷشٸن ۇلىق مەكەن سانالاتىن ۇلىتاۋدىڭ ەندٸ بٷكٸل ەلەم ٷشٸن دە باعاسى ارتا تٷسپەك. سەبەبٸ, حالقىمىز قاستەر تۇتاتىن قاسيەتتٸ مەكەندە «جەزكيٸك» ٸ حالىقارالىق ەتنو-مۋزىكا فەستيۆالٸ شىمىلدىق تٷردٸ. ەلەمنٸڭ ەر تٷكپٸرٸنەن كەلگەن ٶنەر ۇجىمدارىنىڭ ٶنەرٸن تاماشالاعانداردىڭ قاتارىندا «نۇر وتان» پارتيياسى تٶراعاسىنىڭ بٸرٸنشٸ ورىنباسارى دا بولدى. قاراعاندى وبلىسىنا ارنايى ساپارمەن بارعان مەۋلەن ەشٸمباەۆ فەستيۆالدٸڭ اشىلۋ سالتاناتىنا قاتىستى.
اتالعان ٸس-شارادا مەدەنيەت جەنە سپورت مينيسترٸ ارىستانبەك مۇحامەديۇلى ەلباسىنىڭ بارشا قاتىسۋشىلارعا ارنالعان قۇتتىقتاۋ حاتىن وقىپ بەردٸ.
«قازاق ەلٸنٸڭ رۋحاني ورتالىقتارىنىڭ بٸرٸ سانالاتىن قاسيەتتٸ ۇلىتاۋ جەرٸندە, «رۋحاني جاڭعىرۋ» باعدارلاماسى اياسىندا ٶتەتٸن بۇل ٶنەر مەرەكەسٸ ەلٸمٸزدٸڭ مەدەني ٶمٸرٸندەگٸ ايتۋلى وقيعا بولادى دەپ سەنەمٸن. تٶل تاريحى مەن ٶنەرٸن قاستەرلەگەن ۇلت قانا بيٸك ماقساتتارعا قول جەتكٸزە الادى. مۋزىكا ٶنەرٸ – حالىقتىڭ تاريحىن, اسقاق رۋحىن, جان-دٷنيە سۇلۋلىعىن پاش ەتەتٸن رۋحاني قۇندىلىقتاردىڭ بٸر. سونداي-اق بۇل فەستيۆال حالقىمىزدىڭ مەدەني مۇراسىن جاڭعىرتىپ, فولكلورلىق ٶنەرٸمٸزدٸڭ باعا جەتپەس بايلىعىن ەلەمگە تانىتۋعا دا وڭ ىقپالىن تيگٸزەدٸ دەپ ويلايمىن», – دەلٸنگەن ەلباسىنىڭ قۇتتىقتاۋىندا.
سونىمەن قاتار مەملەكەت باسشىسى فەستيۆالعا ەلەمنٸڭ ەر تٷكپٸرٸنەن كەلگەن ٶنەر ۇجىمدارىنىڭ قاتىسۋى ونىڭ مەرتەبەسٸن ودان سايىن ارتتىرا تٷسەتٸنٸنە نازار اۋدارىپ, مۇنداي ٸس-شارالاردىڭ ۇلت پەن ۇلتتى, ەل مەن ەلدٸ رۋحاني تۇرعىدا جاقىنداستىرىپ, مەدەني ىنتىماقتاستىقتىڭ اياسىن كەڭەيتە تٷسۋگە قىزمەت ەتەتٸنٸن دە اتاپ ٶتكەن.
ٶز كەزەگٸندە «نۇر وتان» پارتيياسى تٶراعاسىنىڭ بٸرٸنشٸ ورىنباسارى قاتىسۋشىلار مەن بارشا حالىقتى وسىنداي كەرەمەت ٶنەر مەرەكەسٸمەن قۇتتىقتاپ, بۇل شارانىڭ قازاق مەدەنيەتٸنٸڭ ٶرٸسٸن كەڭەيتەتٸن تىڭ باستاما ەكەنٸن ايتتى.
– بۇل فەستيۆال ەلباسىمىزدىڭ «رۋحاني جاڭعىرۋ» باعدارلاماسىنىڭ جەمٸسٸ ەكەنٸ سٶزسٸز. بٸز وسىنداي يگٸ باستامالار ارقىلى حالقىمىزدىڭ رۋحاني جەنە مەدەني قۇندىلىقتارىن ساقتاپ, ولاردى بٷكٸل ەلەمگە دەرٸپتەپ, تانىمالدىلىعىن ارتتىرامىز. قويناۋىنا تاريح تۇنعان, باۋىرىندا بابالارىمىزدىڭ ٸزٸ قالعان قاسيەتتٸ ۇلىتاۋ جەرٸنە ارنايى كەلٸپ, ٶتكەننەن تاعىلىم الىپ, اۋقىمدى فەستيۆال ٶتكٸزۋدٸ حالقىمىزدىڭ جارقىن بولاشاعى ٷشٸن جاسالعان باتىل قادام دەپ تە قابىلداۋعا بولادى. سوندىقتان وسى جوبانىڭ ٶمٸرشەڭ بولۋىنا تٸلەكتەستٸگٸمٸزدٸ بٸلدٸرەمٸز, – دەدٸ مەۋلەن ەشٸمباەۆ.
سونىمەن قاتار قاراعاندى وبلىسىنىڭ ەكٸمٸ ەرلان قوشانوۆ بارشا قوناقتار مەن قاتىسۋشىلارعا فەستيۆالدٸڭ جوعارى دەڭگەيدە ٶتۋٸنە اتسالىسقاندارى ٷشٸن العىسىن جەتكٸزدٸ. وسى رەتتە فەستيۆالدٸڭ قۇرمەتتٸ قوناقتارىنىڭ قاتارىندا قازاقتىڭ جەزتاڭداي ەنشٸسٸ بيبٸگٷل تٶلەگەنوۆا, ۇلتىمىزدىڭ باتىرى, قازاقتان شىققان تۇڭعىش عارىشكەر, حالىق قاھارمانى توقتار ەۋبەكٸروۆ, بەلگٸلٸ مەملەكەت جەنە قوعام قايراتكەرٸ ورالباي ەبدٸكەرٸموۆ, پارلامەنت دەپۋتاتتارى جەنە تاعى باسقا ٶنەر جۇلدىزدارى مەن قوعام بەلسەندٸلەرٸ بولعانىن اتاپ ٶتكەن جٶن.
فەستيۆال بارىسىندا حالىق «NICELABELLE» (فرانتسييا), «حايرۋللو دادوبوەۆ» (تەجٸكستان), «Hoverna» (پولشا), «سكازيتەلي التايا» (رەسەي), «Mariachi Champaña Nevin» (مەكسيكا), «ۆاگاككي» (جاپونييا), «تٷرٸك ەلەمٸ» (تٷركييا), «Reading Pipe Band» (شوتلاندييا,) «Amigos de Corazon» (پەرۋ) جەنە قازاقستاندىق «ارقا سازى» (قاراعاندى) مەن «قوبىز سارىنى» (تالدىقورعان) فولكلورلىق انسامبلدەرٸنٸڭ ٶنەرلەرٸن تاماشالادى.
