قازاقستان پارلامەنتٸ سەناتىنىڭ تٶراعاسى مەۋلەن ەشٸمباەۆ ۆاتيكانعا جۇمىس ساپارى اياسىندا ريم پاپاسى فرانتسيسكپەن كەزدەستٸ, دەپ حابارلايدى "ۇلت اقپارات" جوعارى پالاتانىڭ باسپاسٶز قىزمەتٸنە سٸلتەمە جاساپ.
كەزدەسۋ بارىسىندا مەۋلەن ەشٸمباەۆ پونتيفيككە قازاقستان پرەزيدەنتٸ قاسىم-جومارت توقاەۆتىڭ اتىنان ەلەمدٸك جەنە دەستٷرلٸ دٸندەر ليدەرلەرٸنٸڭ VII سەزٸنە شاقىرۋ حاتىن تابىس ەتتٸ.
سۇحبات كەزٸندە سەنات سپيكەرٸ قازاقستاننىڭ كونفەسسيياارالىق كەلٸسٸمدٸ نىعايتۋعا جەنە جاھاندىق دٸنارالىق ديالوگتى ٸلگەرٸلەتۋگە باعىتتالعان باستامالارى تۋرالى ايتىپ, ولاردىڭ ۆاتيكاننىڭ قىزمەتٸمەن تىعىز بايلانىستى ەكەنٸنە نازار اۋداردى.
«ەتنوسارالىق بەيبٸتشٸلٸك جەنە كەلٸسٸم, ەر ازاماتتىڭ دٸني كٶزقاراسىنا دەگەن قۇرمەت قازاقستاندىق مەدەنيەت پەن مەنتاليتەتتٸڭ اجىراماس بٶلشەگٸ. بٸز تولەرانتتىلىقتى ساقتاۋعا جەنە ونى دەرٸپتەۋگە باسا مەن بەرٸپ كەلەمٸز. سول سەبەپتٸ, بٸزدٸڭ تۇڭعىش پرەزيدەنتٸمٸز نۇرسۇلتان نازارباەۆ 2003 جىلى ەلەمدٸك جەنە دەستٷرلٸ دٸندەر ليدەرلەرٸنٸڭ سەزٸن شاقىرۋ تۋرالى باستاما كٶتەردٸ. بۇل فورۋمنىڭ جۇمىسىن دامىتۋعا سەزد حاتشىلىعىنىڭ باسشىسى رەتٸندە مەملەكەت باسشىسى قاسىم-جومارت توقاەۆ ايتارلىقتاي ٷلەس قوستى», – دەدٸ مەۋلەن ەشٸمباەۆ.
سونداي-اق, ول ۆاتيكاننىڭ ەلٸمٸزدٸڭ اتالعان باستاماسىنا قولداۋ كٶرسەتٸپ كەلە جاتقانى ٷشٸن العىس بٸلدٸردٸ.
«قازاقستان ۇيىتقى بولعان دٸنارالىق فورۋم 18 جىلدىڭ ٸشٸندە مازمۇندى ديالوگ قۇراتىن اشىق الاڭعا اينالدى. وسى مٷمكٸندٸكتٸ پايدالانا وتىرىپ, قازاقستاننىڭ باستاماسىنا قولداۋ كٶرسەتٸپ كەلە جاتقانى ٷشٸن قاسيەتتٸ تاققا العىسىمدى بٸلدٸرەمٸن. بۇعان دەيٸن ەلەمدٸك جەنە دەستٷرلٸ دٸندەر ليدەرلەرٸنٸڭ التى سەزٸ ٶتكٸزٸلدٸ. سونىڭ بەرٸنە كاتوليك شٸركەۋٸنٸڭ جوعارى لاۋازىمدى ٶكٸلدەرٸ بەلسەندٸ تٷردە قاتىسىپ كەلەدٸ», – دەدٸ سەنات تٶراعاسى.
الداعى سەزدە پاندەمييادان كەيٸنگٸ كەزەڭدە ادامزاتتىڭ رۋحاني-ەلەۋمەتتٸك دامۋىنداعى ەلەمدٸك جەنە دەستٷرلٸ دٸندەر ليدەرلەرٸنٸڭ رٶلٸن تالقىلاۋ جوسپارلانىپ وتىر. وسىعان وراي تاراپتار دٸن قايراتكەرلەرٸ پاندەمييامەن جەنە ونىڭ ەلەۋمەتتٸك-ەكونوميكالىق جەنە گۋمانيتارلىق سالدارىمەن كٷرەسكە ٷلكەن ٷلەس قوسا الاتىنىنا سەنٸم بٸلدٸردٸ.
«پاندەمييادان ساباق الۋعا, ونىڭ سالدارىمەن كٷرەسكە دٸن ليدەرلەرٸنٸڭ قوسار ٷلەسٸ مول. بٷكٸل ەلەمدٸ شارپىعان ٸندەت ادامزاتتىڭ قوردالانعان پروبلەمالارىن ودان ەرٸ ۋشىقتىرىپ جٸبەردٸ. ولاردىڭ قاتارىندا كەدەيشٸلٸك, تەڭسٸزدٸك, كٶپتەگەن ەلدەگٸ دەنساۋلىق ساقتاۋ جٷيەسٸنٸڭ مٷشكٸل جاعدايى, ادامداردىڭ بٸلٸم دەڭگەيٸنٸڭ تٶمەندٸگٸ, ەكولوگييا جەنە تاعى باسقا ٶزەكتٸ مەسەلەلەر بار. سونداي-اق پاندەمييادان كەيٸنگٸ كەزەڭدە تۇتىنۋشىلىق باسىمدىقتار قايتا قارالىپ, رۋحاني جەنە ادامگەرشٸلٸك قۇندىلىقتار بٸرٸنشٸ ورىنعا شىعۋعا تيٸس», – دەدٸ مەۋلەن ەشٸمباەۆ.
ريم پاپاسى فرانتسيسك قازاقستان پرەزيدەنتٸ قاسىم-جومارت توقاەۆقا كەلەسٸ جىلى قىركٷيەكتە ٶتەتٸن ەلەمدٸك جەنە دەستٷرلٸ دٸندەر ليدەرلەرٸنٸڭ VII سەزٸنە قاتىسۋعا قازاقستانعا شاقىرعانى ٷشٸن العىسىن بٸلدٸردٸ. سونداي-اق پونتيفيك ەلباسىنىڭ سەزدٸ شاقىرۋ تۋرالى باستاماسىنىڭ ماڭىزدى ەكەنٸنە نازار اۋدارىپ, قازاق ەلٸنٸڭ جاھاندىق دٸنارالىق ديالوگتى دامىتۋعا ايتارلىقتاي رٶل قوسىپ وتىرعانىن اتاپ ٶتتٸ.
سۇحباتتاسۋشىلار حالىقارالىق كٷن تەرتٸبٸندەگٸ ماڭىزدى مەسەلەلەردٸ دە تالقىلادى. اتاپ ايتقاندا, اۋعانستانداعى جاعدايعا, جاھاندىق كليماتتىڭ ٶزگەرۋٸنە جەنە تاعى باسقا تٷيتكٸلدەرگە نازار اۋداردى.
بۇدان باسقا, مەۋلەن ەشٸمباەۆ بٷگٸن ۆاتيكاننىڭ مەملەكەتتٸك حاتشىسى پەترو پارولينمەن كەزدەسٸپ, قازاقستان مەن ۆاتيكان اراسىنداعى ىنتىماقتاستىق مەسەلەلەرٸن سٶز ەتتٸ.
سونىمەن بٸرگە قازاقستان سەناتىنىڭ تٶراعاسى ساپار اياسىندا پاپا كەڭەسٸنٸڭ دٸنارالىق ديالوگ جٶنٸندەگٸ پرەزيدەنتٸ كاردينال ميگەل انحەل ايۋسو گيكسوتپەن كەزدەستٸ.
