سەنات تٶراعاسى مەۋلەن ەشٸمباەۆ «حابار 24» تەلەارناسىنا بەرگەن سۇحباتىندا پاندەمييامەن كٷرەس كەزەڭٸندە مەملەكەتتٸك باسقارۋ جٷيەسٸندە قانداي مەسەلەلەر بار ەكەنٸ بەلگٸلٸ بولعانىن ايتتى, دەپ حابارلايدى "ۇلت اقپارات".
سونداي-اق, سەنات تٶراعاسى بارلىق مەملەكەتتٸك اپپارات ٷشٸن كارانتين ناعىز سىن ساعاتى بولعانىن جەتكٸزٸپ, وسى جايتقا ەرەكشە نازار اۋداردى. شىن مەنٸندە, بۇل كەزەڭدە مەملەكەتتٸك ورگانداردىڭ تيٸمدٸلٸگٸنە قاتىستى كٶپتەگەن پروبلەمالار تۋىنداعانى بەلگٸلٸ. سۇحبات بارىسىندا مەۋلەن ەشٸمباەۆ كەيبٸر شەشٸمدەردٸڭ دەر كەزٸندە قابىلدانباۋىنا, جەكەلەگەن مەملەكەتتٸك ورگاندار مەن ۆەدومستۆو قىزمەتكەرلەرٸ كٶپ جاعدايدا بٸر-بٸرٸنٸڭ قىزمەتٸن قايتالايتىنىنا, كٶپتەگەن ٷدەرٸستەردٸڭ ەسكٸرگەنٸنە جەنە ولاردى تسيفرلىق فورماتقا اۋىستىراتىن كەز كەلگەنٸنە توقتالىپ ٶتتٸ.
«مەملەكەتتٸك اپپاراتتى وڭتايلاندىرۋ كەرەك. جٷيەنٸ قايتا جاڭعىرتىپ, بۇل باعىتتا جاڭا, زاماناۋي تەحنولوگييانى قولدانۋ قاجەت. حالىققا جەدەل قىزمەت كٶرسەتۋگە, دەر كەزٸندە شەشٸم قابىلداۋعا جەنە اقپاراتتى جەتكٸزۋگە مٷمكٸندٸك بەرەتٸن تسيفرلاندىرۋ جۇمىستارىن جٷيەلٸ تٷردە جٷرگٸزگەن جٶن. باتىستا كەڭٸنەن قولدانىلىپ, ٶزٸنٸڭ تيٸمدٸلٸگٸن دەلەلدەگەن جوبالىق مەنەدجمەنت تەسٸلٸن بٸزدٸڭ مەملەكەتتٸك باسقارۋ جٷيەسٸنە ەنگٸزۋ كەرەك. مىسالى, ۇلىبريتانييادا ٷكٸمەت جوبالىق مەنەدجمەنت جٷيەسٸن كەڭ اۋقىمدا جەنە ماقساتقا ساي قولدانادى», – دەدٸ سەنات تٶراعاسى.
سونىمەن قاتار مەۋلەن ەشٸمباەۆ مەملەكەتتٸك قىزمەتشٸلەردٸڭ كادرلىق ەلەۋەتٸن ارتتىرۋ, جۇمىسقا بولاشاعىنان ٷمٸت كٷتتٸرەتٸن, بەلسەندٸ, باستاماشىل مامانداردى جۇمىلدىرۋ قاجەت ەكەنٸنە توقتالىپ ٶتتٸ.
سۇحبات كەزٸندە مەملەكەت باسشىسى قاسىم-جومارت كەمەلۇلى توقاەۆتىڭ جاڭا جولداۋىندا ايتىلعان اۋىل ەكٸمدەرٸن سايلاۋ مەسەلەسٸنە قاتىستى دا سۇراق قويىلدى.
«ەكٸمدەردٸ سايلاۋ مەملەكەتتٸك قىزمەتكە باستاماشىل, بەلسەندٸ ازاماتتاردى تارتۋ ٷشٸن قولعا الىنعان تيٸمدٸ تەتٸكتەردٸ بٸرٸ ەكەنٸ سٶزسٸز. بۇل ەكٸمشٸلٸك-اۋماقتىق بٸرلٸككە باسشىلىق ەتەتٸن ادامدى اۋىل تۇرعىندارىنىڭ ٶزدەرٸ تاڭداۋىنا مٷمكٸندٸك بەرەدٸ. اتالعان ٷردٸس كەلەسٸ جىلدان باستالاتىن شىعار. ٶيكەنٸ, پرەزيدەنتٸمٸز جولداۋدا الداعى جىلى بٸرقاتار ەكٸمنٸڭ مەرزٸمٸ اياقتالاتىنىن اتاپ ٶتتٸ», – دەدٸ مەۋلەن ەشٸمباەۆ.
سەنات تٶراعاسى اۋىل ەكٸمدٸگٸنە ٶز كانديداتۋراسىن ۇسىنعىسى كەلگەن ازاماتتارعا ەشقانداي كەدەرگٸ كەلتٸرمەي, بەرٸنە تەڭ مٷمكٸندٸك بەرۋدٸڭ ماڭىزدى ەكەنٸن تٸلگە تيەك ەتتٸ.
«ەكٸمدٸككە كانديداتتارعا ارنالعان بازالىق شارتتاردى انىقتاۋ كەرەك. ولار: ازاماتتىعى, بٸلٸمٸ جەنە كەسٸبي تەجٸريبەسٸ. بۇل بەلسەندٸ جەنە باستاماشىل ازاماتتارعا, ونىڭ ٸشٸندە جاستارعا سايلاۋعا قاتىسۋ ارقىلى ٶز قارىم-قابٸلەتتەرٸن كٶرسەتۋگە مٷمكٸندٸك بەرەدٸ. ەگەر سول وكرۋگتٸڭ تۇرعىندارى كٸمدٸ لايىقتى دەپ تانىسا, سونى سايلايدى. بٸز بۇل باعىتتاعى زاڭ جوباسىن قاراعان كەزدە وسى ايتىلعانداردى ەسكەرەمٸز», – دەدٸ مەۋلەن ەشٸمباەۆ.
