يلون ماسك باسقارعان امەريكاندىق SpaceX كومپانيياسى الىس عارىش ساپارىنا, سونىڭ ٸشٸندە اي جەنە مارسقا ۇشۋعا ارنالعان عارىش كەمەسٸن جاساۋدا ماڭىزدى قادام جاسادى. Starship كەمەسٸنٸڭ پروتوتيپٸ, SN15 كەمەسٸنٸڭ ۇشىرىلۋى سەتتٸ ٶتتٸ. ول ەۋەلٸ 10 شاقىرىم بيٸككە كٶتەرٸلٸپ, ودان كەيٸن تەحاستاعى عارىش ايلاعىنا قوندى, دەپ حابارلايدى "ۇلت اقپارات" ۆۆس اگەنتتٸگٸنە سٸلتەمە جاساپ.
Starship-تٸ بۇعان دەيٸنگٸ تٶرت سىناعى تٷرلٸ سەبەپتەرمەن سەتسٸز ٶتكەن. عارىش كەمەسٸ قونار كەزدە نە ەۋەدە جارىلعان. ونىڭ پروتوتيپٸنٸڭ بٸرٸ سەتتٸ قوندى, الايدا كٶپ ۇزاماي ٶرت شىعىپ, جانىپ كەتتٸ.
SN15 ۇشىرىلىمى پروبلەماسىز ٶتتٸ. كەمە مەتانمەن جۇمىس ٸستەيتٸن Raptor قوزعالتقىشىنىڭ كٶمەگٸمەن بەرٸلگەن ەۋەگە كٶتەرٸلدٸ. ودان كەيٸن قوزعالتقىشتارى ٶشٸرٸلٸپ, اپپارات كٶلدەنەڭ قالىپقا ٶتٸپ, تٶمەندەي باستاعان. SpaceX جوسپارىنا سەيكەس, بولاشاقتا عارىش كەمەلەرٸ عارىشتان جەرگە دەل وسىلاي ورالادى.
ۇشۋدىڭ سوڭعى كەزەڭٸ – زىمىرانن كٶلدەنەڭنەن باسقا قالىپقا اۋدارىلدى, قونۋى دا جوسپارعا سەيكەس ٶتتٸ. الاڭداۋعا بٸر عانا سەبەپ بولعان – جەرگە قونار كەزدە, كەمەدەن ٶرت شىقتى. الايدا جالىن تەز سٶندٸرٸلدٸ.
امەريكانىڭ ناسا عارىش اگەنتتٸگٸ Starship جوباسىنا ٷلكەن قىزىعۋشىلىعىن تانىتىپ وتىر, سەبەبٸ دەل وسى SpaceX استروناۆتتاردى ايعا جەتكٸزەتٸن كەمەلەردٸ شىعارۋ قۇقىعىنا يە بولعان.
بولاشاقتا يلون ماسكتٸڭ كومپانيياسى سونداي-اق مارسقا ارنايى ميسسييالاردى اتتاندىرماق, Starship پلانەتاارالىق ساپاردا بورتىنا 100 ادامعا دەيٸن الىپ كەتە الادى دەگەن ٷمٸتٸ بار.
