مەسكەۋگە كوروناۆيرۋستان قورعاۋعا ارنالعان 10 ميلليونعا جۋىق قولدانىلعان مەديتسينالىق قولعاپتى جەتكٸزۋ فاكتٸسٸ بويىنشا قىلمىستىق ٸس قوزعالدى.
بۇل تۋرالى مەسكەۋلٸك پروكۋراتۋرانىڭ باسپاسٶز قىزمەتٸ مەلٸم ەتتٸ, دەپ حابارلايدى تاسس اگەنتتٸگٸ.
اگەنتتٸكتٸڭ حابارلاۋىنشا, شەتەلدٸك كومپانييا مەن جاڭا مەسكەۋدەگٸ كوممەرتسييالىق ۇيىم اراسىندا كەلٸسٸمشارت جاسالعان. وعان سەيكەس كومپانييا رەسەيدە ساتۋ ٷشٸن بٸر رەتتٸك ۆينيلدٸ قولعاپتاردى جەتكٸزۋٸ تيٸس بولعان. پروكۋراتۋرا مەلٸمدەمەسٸندە كەدەندٸك دەكلاراتسييالار نەگٸزٸندە 9,9 ميلليوننان استام بٸر رەت قولدانىلاتىن قولعاپ جەتكٸزٸلگەنٸ ايتىلعان. سونداي-اق, ٶنٸمدەر مەلٸمدەلگەن ساپاعا سەيكەس كەلمەيتٸنٸ انىقتالدى, قولعاپتار بۇرىن قولدانىلعان بولىپ شىقتى.
پروكۋرورلىق تەكسەرۋ ماتەريالدارى تەرگەۋ ورگاندارىنا جٸبەرٸلدٸ. رف قك 30-بابىنىڭ 3-تارماعى, 236-بابىنىڭ 1- تارماعى (سانيتارلىق-ەپيدەميولوگييالىق ەرەجەلەردٸ بۇزۋعا ەرەكەت جاساۋ) بويىنشا قىلمىستىق ٸس قوزعالدى. پروكۋراتۋرا تەرگەۋ نەتيجەلەرٸن باقىلاۋعا الدى.
