مەسكەۋدٸڭ بۇرىنعى مەرٸ يۋريي لۋجكوۆ 83 جاسىندا قايتىس بولدى. بۇل اقپاراتتى "ينتەرفاكس" جەنە ريا "نوۆوستي" اگەنتتٸكتەرٸ حابارلادى.
يۋريي لۋجكوۆ 1936 جىلى مەسكەۋدە تۋعان. 1958 جىلى گۋبكين اتىنداعى مەسكەۋ مۇناي-حيمييا جەنە گاز ٶنەركەسٸبٸ ينستيتۋتىن ينجەنەر-مەحانيك ماماندىعى بويىنشا تەمامداعان. 1974 جىلدان باستاپ حيمييا ٶنەركەسٸبٸ مينيسترلٸگٸندە قىزمەت اتقارعان.
1991 جىلى مەسكەۋ مەرٸن العاش سايلاعان كەزدە قالا باسشىسى گاۆرييل پوپوۆتىڭ ورىنباسارى بولىپ سايلاندى. 1991 جىلى بوريس ەلتسيندٸ جاقتاپ, گكچپ-نىڭ "سەتسٸز بٷلٸگٸنە" (پۋتچ) قارسى بەلسەنە ەرەكەت ەتكەن. 1992 جىلى پرەزيدەنت جارلىعىمەن قالا مەرٸ بولىپ سايلاندى.
ول 2010 جىلعا دەيٸن قالا مەرٸ بولىپ, رەسەيدەگٸ ەڭ ىقپالدى ساياساتكەرلەردٸڭ بٸرٸنە اينالدى. 1996 جىلى ول ەلتسيننٸڭ قايتا سايلانۋىن قولدادى. سول جىلدىڭ جەلتوقسان ايىندا لۋجكوۆ باستاماسىمەن فەدەراتسييا كەڭەسٸ سەۆاستوپولدٸ رەسەي اۋماعىنىڭ بٸر بٶلشەگٸ دەپ جارييالادى. 1999 جىلى لۋجكوۆ وپپوزيتسيياعا قاراي ٶتٸپ, ەۆگەنيي پريماكوۆتىڭ پرەزيدەنتتٸك امبيتسيياسىن قولدادى.
1999 جىلى پرەزيدەنت سايلاۋىندا ۆلاديمير پۋتين جەڭٸپ, يۋريي لۋجكوۆ ونى قولدادى. بيلٸكتٸڭ "ەدينايا روسسييا" پارتيياسىن قۇرۋعا اتسالىستى.
مەسكەۋدٸ لۋجكوۆ باسقارىپ تۇرعان كەزدە مەسكەۋ جىلدام دەۋلەتتٸ قالالار قاتارىنا قوسىلدى, تۇرعىنداردىڭ جاعدايى جاقساردى. الايدا سىنشىلار ونى وپپوزيتسييانى باسىپ-قۋدالادى, جەمقورلىقتىڭ قاتتى ٶرٸستەۋٸنە جول بەردٸ دەپ ايىپتادى. ونىڭ اينالاسىنداعى كٶپتەگەن ادامدار رەسەيدەگٸ اۋقاتتى ادامدار تٸزٸمٸنە ەنگەن. ونىڭ ەيەلٸ كٶپ جىلدان بەرٸ رەسەيدەگٸ ەڭ باي ەيەلدەردٸڭ تٸزٸمٸندە تۇر.
