ٶزبەكستان ازاماتى مەسكەۋدە ەسكەري كوميسسارياتتان شاقىرتۋ الدى. بۇل تۋرالى Mediazona Central Asia حابارلادى, دەپ جازادى Massaget.kz پورتالى.
"مەن مەسكەۋدە تۇرامىن, بٸراق ەشقاشان رەسەي ازاماتى بولعان ەمەسپٸن. تيٸسٸنشە, مەندە ەشقانداي ەسكەري ەسەپ جوق. ٶزبەكستان ەلشٸلٸگٸنە حابارلاستىم, ولار ماعان كەلٸپ ارىز جازۋىمدى سۇرادى, سونىمەن قاتار شاقىرتۋ بويىنشا ەشقايدا بارمايتىنىمدى ەسكەرتتٸ", - دەدٸ سيروج نابيەۆ.
باسىلىمنىڭ حابارىنا قاراعاندا, بۇل - رەسەيدە شەتەلدٸكتەردٸ ەسكەرگە شاقىرتقان العاشقى وقيعا ەمەس. قازان ايىنىڭ باسىندا پەتەربۋرگتە قازاقستان ازاماتىن ەسكەرگە شاقىرۋ ەرەكەتٸ بولعانى حابارلانعان. جەرگٸلٸكتٸ ەسكەري كوميسساريات شاقىرتۋ قاعازىنىڭ "قاتەلٸكتەن" شىققانىن مويىنداعان.
بۇعان قوسا, باق ۆلاديمير پۋتين جارييالاعان "جارتىلاي" موبيليزاتسييادان كەيٸن سانكت-پەتەربۋرگتەن ۆلاديۆوستوكقا دەيٸن رەسەيدٸڭ ەرتٷرلٸ قالالارىندا تۇراتىن جٷزدەگەن تەجٸكستاندىقتىڭ ەسكەرگە شاقىرتۋ العانىن حابارلادى.
بۇعان دەيٸن مەسكەۋ وبلىسىنىڭ پودولسك قالاسىندا ٶزبەكستان ازاماتىنا ەسكەري كوميسسارياتقا كەلۋدٸ تالاپ ەتكەن شاقىرۋ قاعازى تاپسىرىلعانى دا بەلگٸلٸ بولعان.
