مەسكەۋدەگٸ كرەمل قورعانىنىڭ كەرتەشتەرٸ قاتتى جەلدەن زاقىمداندى. بۇل تۋرالى فەدەرالدى كٷزەت قىزمەتٸنٸڭ باسپاسٶز جەنە قوعاممەن بايلانىس بٶلٸمٸ راستادى, دەپ حابارلايدى قازاقپارات تاسس اگەنتتٸگٸنە سٸلتەمە جاساپ.
«قورعاننىڭ سپاسسك مۇناراسىنان سەنات مۇناراسىنا دەيٸنگٸ بٶلٸگٸندە قالپىنا كەلتٸرۋ جۇمىستارى جٷرٸپ جاتقان, الايدا بۇل جۇمىستار قاتتى جەلگە بايلانىستى ۋاقىتشا توقتاتىلعان», - دەدٸ بٶلٸم باستىعى دەنيس سيمونوۆ.
ونىڭ ايتۋىنشا, قۇرىلىس اعاشى جارتىلاي قيراپ, قورعان كەرتەشتەرٸ زاقىمدانعان.
«ادامداردان ەشكٸم زارداپ شەككەن جوق», - دەدٸ سيمونوۆ. ول تٷسٸندٸرۋدٸ وسىمەن توقتاتتى.
بۇل تۋرالى ەرتەرەك تاسس-قا جەدەل قىزمەتتەردەن حابار تٷسكەن بولاتىن.
«جەلدٸڭ سالدارىنان قۇرىلىس اعاشى قۇلاپ, بٸر كەرتەشكە زاقىم كەلگەن», - دەدٸ اگەنتتٸككە سۇقبات بەرۋشٸ.
مەسكەۋلٸك تجم ەرتەرەك قاتتى جەل تۋرالى ەسكەرتۋ جاساعان ەدٸ.
تاسس تٸلشٸسٸنٸڭ ايتۋىنشا, قازٸرگٸ كەزدە قىزىل الاڭعا بارار جولداردىڭ بارلىعى جابىلعان. اتالعان اۋداندى باقىلاۋشى قىزمەتكەرلەردٸڭ سٶزٸنشە, الاڭ قيراۋدىڭ سالدارىنان جابىلعان.
كرەمل قورعانىنداعى زاقىمدانعان كەرتەشتەردٸڭ جانىندا بٸرنەشە قىزمەتكەر بار, ولار قيراندىلاردى جيناستىرۋمەن اينالىسىپ جاتىر. قورعاننىڭ بٸر كەرتەشٸ تولىعىمەن جوق.
بۇل وسىنداي بٸرٸنشٸ جاعداي ەمەس. مىسالى, 1998 جىلى قاتتى جەل كرەمل اۋماعىنداعى 200 اعاشتى قۇلاتىپ, قورعاننىڭ بٸرنەشە كەرتەشٸنە زاقىم كەلتٸرگەن.
ال 2018 جىلدىڭ سەۋٸرٸندە سەنات سارايى شاتىرىنىڭ بٸر بٶلٸگٸن ۇشىرىپ ەكەتكەن.
