Máskeýdegi Kreml qorǵanynyń kerteshteri qatty jelden zaqymdandy. Bul týraly Federaldy kúzet qyzmetiniń baspasóz jáne qoǵammen bailanys bólimi rastady, dep habarlaidy QazAqparat TASS agenttigine silteme jasap.
«Qorǵannyń Spassk munarasynan Senat munarasyna deiingi bóliginde qalpyna keltirý jumystary júrip jatqan, alaida bul jumystar qatty jelge bailanysty ýaqytsha toqtatylǵan», - dedi bólim bastyǵy Denis Simonov.
Onyń aitýynsha, qurylys aǵashy jartylai qirap, qorǵan kerteshteri zaqymdanǵan.
«Adamdardan eshkim zardap shekken joq», - dedi Simonov. Ol túsindirýdi osymen toqtatty.
Bul týraly erterek TASS-qa jedel qyzmetterden habar túsken bolatyn.
«Jeldiń saldarynan qurylys aǵashy qulap, bir kerteshke zaqym kelgen», - dedi agenttikke suqbat berýshi.
Máskeýlik TJM erterek qatty jel týraly eskertý jasaǵan edi.
TASS tilshisiniń aitýynsha, qazirgi kezde Qyzyl alańǵa barar joldardyń barlyǵy jabylǵan. Atalǵan aýdandy baqylaýshy qyzmetkerlerdiń sózinshe, alań qiraýdyń saldarynan jabylǵan.
Kreml qorǵanyndaǵy zaqymdanǵan kerteshterdiń janynda birneshe qyzmetker bar, olar qirandylardy jinastyrýmen ainalysyp jatyr. Qorǵannyń bir kerteshi tolyǵymen joq.
Bul osyndai birinshi jaǵdai emes. Mysaly, 1998 jyly qatty jel Kreml aýmaǵyndaǵy 200 aǵashty qulatyp, qorǵannyń birneshe kerteshine zaqym keltirgen.
Al 2018 jyldyń sáýirinde Senat saraiy shatyrynyń bir bóligin ushyryp áketken.
