بٷگٸن مەسكەۋدە "ەحو موسكۆى" راديوستانتسيياسىنىڭ رەداكتسيياسىنا بەلگٸسٸز ادام باسا-كٶكتەپ كٸرٸپ, باس رەداكتوردىڭ ورىنباسارى تاتيانا فەلگەنگاۋەردٸ پىشاقتادى, دەپ جازادى "ۇلت اقپارات" echo.msk.ru-عا سٸلتەمە جاساپ.
راديونىڭ باس رەداكتورى الەكسەي ۆەنەديكتوۆتٸڭ حابارلاۋىنشا, بەلگٸسٸز ادام جۋرناليسكە پىشاقپەن عانا شابۋىلداعان. جۋرناليست اۋرۋحاناعا تٷسكەن. دەرٸگەرلەردٸڭ ايتۋىنشا, فەلگەنگاۋەردٸڭ ٶمٸرٸنە قاۋٸپ تٶنٸپ تۇرعان جوق. شابۋىل جاساعان كٷدٸكتٸ ۇستالدى.
رەداكتسييادا پوليتسييا وقيعانى تەكسەرٸپ جاتىر. راستالماعان مەلٸمەت بويىنشا, رەداكتسيياعا شابۋىل جاساعان ادام - شەتەل ازاماتى. ول عيماراتقا كٸرەبەرٸستە تۇرعان كٷزەتشٸگە باللوننان گاز شاشىپ, ەكٸنشٸ كٷزەتشٸنٸڭ دەنەسٸن پىشاقپەن جاناپ ٶتٸپ, ودان سوڭ 14 قاباتقا كٶتەرٸلٸپ, جۋرناليسكە پىشاق ۇرعان. رەسەي باس پروكۋراتۋراسى وقيعانى "بارىپ تۇرعان سوراقىلىق" دەپ اتادى.
كرەمل باقىلاۋىنداعى "گازپروم" مۇناي كومپانيياسىنا تيەسٸلٸ "ەحو موسكۆى" راديوستانتسيياسى - رەسەيدە قالعان از عانا تەۋەلسٸز باق-تىڭ بٸرٸ.
