17 ماۋسىمدا رەسەيدە 17 262 ادامنان كوروناۆيرۋس انىقتالدى. قاڭتار ايىنان بەرٸ مۇنداي جوعارى كٶرسەتكٸش تٸركەلمەگەن. بٸر كٷندە 453 ادام قايتىس بولعان. مەسكەۋدە 9 056 ادامنان ۆيرۋس شىققان. بۇل - ٸندەت باستالعالى تٸركەلگەن ەڭ جوعارى كٶرسەتكٸش.
قالا مەرٸ سەرگەي سوبيانين جاعدايدىڭ ناشارلاۋىنا بايلانىستى وسى اپتادا ەنگٸزگەن شەكتەۋ شارالارىنىڭ مەرزٸمٸن ۇزارتتى. وعان سەيكەس, قوعامدىق تاماقتانۋ ورىندارى تٷنگٸ 11 مەن تاڭعى 6 اراسىندا جۇمىس ٸستەي المايدى. ويىن جەنە سپورت الاڭدارى, فۋدكورت, زووپاركتەر جابىلدى.
مەسكەۋدە سونىمەن بٸرگە كٶپشٸلٸك شارالارعا شەكتەۋ قويىلدى. قوعامدىق شاراعا قاتىساتىندار مىڭنان اسپاۋى تيٸس.
"بٸز بەرٸنە ەسكەرتكەنبٸز. ستاديون, ٸرٸ كونتسەرت زالدارىندا تالاپتاردى ورىنداپ, ساق بولىڭىزدارشى دەدٸك. اقىرى نە بولدى? بي الاڭدارىندا ادامدار توپ-توپ بولىپ, مەز-مەيرام بيلەپ جٷر. مەن امالسىزدان مۇنى جاساۋعا تيٸسپٸن. بٷگٸننەن باستاپ قوعامدىق شارالارعا مىڭنان استام ادام قاتىسا المايدى. ياعني, تەاترلار مەن كينوتەاترلار جۇمىس ٸستەي بەرەدٸ. ال كٶپشٸلٸك شارالاردى ۋاقىتشا توقتاتامىز. بي الاڭدارى مەن جانكٷيەرلەرگە ارنالعان فان-زونالاردى جابۋعا تۋرا كەلەدٸ" دەپ جازدى مەسكەۋ مەرٸ بلوگىندا.
19-29 ماۋسىم ارالىعىندا مەسكەۋدە سىناق رەتٸندە "ۆيرۋستان تازا" مەيرامحانا جەنە دەمحانالار جۇمىس ٸستەي باستايدى. مۇنداي ورىندارعا كوروناۆيرۋستىڭ تولىق ەكٸ دوزاسىن العان سەرتيفيكاتى بار ادامدار عانا بارا الادى. عيماراتقا ادامداردى QR-كودپەن كٸرگٸزەدٸ. سىناققا 1500-2000 مەيرامحانا قاتىسادى.
- Forbes-تٸڭ جازۋىنشا, مەسكەۋ بيلٸگٸ قايتادان لوكداۋن ەنگٸزۋ مٷمكٸندٸگٸن قاراستىرىپ جاتىر, ەزٸرگە تٷپكٸلٸكتٸ شەشٸم قابىلداماعان. بيلٸك 20 ماۋسىمنان باستاپ ۆاكتسينا الماعاندارعا قاتاڭ شەكتەۋ ەنگٸزۋٸ مٷمكٸن, ناقتى شەشٸم كوروناۆيرۋس ستاتيستيكاسى مەن ۆاكتسينالانعاندار ەسەبٸنە قاراي جەنە بيزنەس ٶكٸلدەرٸمەن اقىلداسقاننان كەيٸن قابىلدانادى.
- 16 ماۋسىمدا مەسكەۋ جەنە قالا ماڭىنداعى ەلدٸ مەكەندەردە قىزمەت كٶرسەتۋ, بٸلٸم, كٶلٸك, تۇرعىن ٷي كوممۋنالدىق شارۋاشىلىعى, مەملەكەتتٸك قىزمەتكەرلەردٸڭ كەمٸندە 60 پايىزى ۆاكتسينا الۋعا مٸندەتتەلگەن بولاتىن.
- دەنساۋلىق ساقتاۋ مينيسترلٸگٸ "سپۋتنيك V" ۆاكتسيناسىن جٷكتٸ ەيەلدەر اراسىندا پايدالانۋعا قاتىستى جاڭا دەرەكتەردٸ زەرتتەپ, ولارعا دا ەكپە ەگۋگە رۇقسات ەتۋٸ مٷمكٸن. مينيسترلٸك "مۇنى اياعى اۋىر ەيەلدەر اراسىندا كوروناۆيرۋستىڭ اۋىر تٷرٸنە شالدىققانداردىڭ پايدا بولۋىمەن" بايلانىستىرادى.
- ازاتتىق
