مەسكەۋدەگٸ ترەتياكوۆ گالەرەياسىندا "قازاق حاندىعى. الماس قىلىش" فيلمٸنٸڭ ارنايى كٶرسەتٸلٸمٸ بولدى.
كٶرسەتٸلٸم اياسىندا قازاقستاندىق جۋرناليستەرگە سۇحبات بەرگەن كارتينا رەجيسسەرٸ رٷستەم ەبدٸراشوۆتٸڭ ايتۋىنشا, بۇل تۋىندى بٷگٸندە تەك قازاقستاندا عانا ەمەس سونىمەن بٸرگە شەتەلدە دە تانىمال بولىپ كەلە جاتىر.
"بۇل "قازاق حاندىعى. الماس قىلىش" فيلمٸنٸڭ شەتەلدەگٸ العاشقى كٶرسەتٸلٸمٸ. دەگەنمەن, فيلمنٸڭ ورىس تٸلٸندەگٸ نۇسقاسىن YouTube-كە سالعان ەدٸك جەنە ول بٸر ايدىڭ ٸشٸندە ميلليوننان استام كٶرٸلٸم جيناپ وتىر. بٸز ٷشٸن بۇل ٶتە ٷلكەن كٶرسەتكٸش. فيلمگە وڭ باعا بەرٸلۋدە جەنە ەلەمنٸڭ تٷكپٸر-تٷكپٸرٸنەن, تٷركييادان, رەسەيدەن, اۋعانستاننان, يراننان, لاتىن امەريكاسى ەلدەرٸنەن جاقسى پٸكٸرلەر تٷسۋدە. تٷرلٸ ەلدەردٸڭ ازاماتتارىنىڭ قازاقتىڭ, تٷركٸلەردٸڭ تاريحىنا, جالپى كٶشپەلٸلەردٸڭ ٶركەنيەتٸنە قىزىعۋشىلىق تانىتىپ وتىرعاندىعى قۋانتادى. ٶيتكەنٸ, تاريحى 550 جىلدان اسىپ جىعىلاتىن قازاق حاندىعىنىڭ, ۇلى كٶشپەلٸ تٷركٸ ٶركەنيەتٸنٸڭ تاريحتاعى ورنى ەرەكشە. سونىمەن قاتار ول بٷكەلەمدٸك ٶركەنيەتتٸڭ دە دامۋىنا ايتارلىقتاي ٷلەس قوساتىندىعى بەلگٸلٸ", – دەدٸ رٷستەم ەبدٸراشوۆ.
وسى رەتتە ول فيلمنٸڭ بٸرٸنشٸ بٶلٸمٸ ٷلكەن جوبانىڭ باستاماسى عانا ەكەندٸگٸن باسا ايتتى. "تاياۋدا عانا "الماس قىلىشتىڭ" جالعاسى سانالاتىن "قازاق حاندىعى. التىن تاق" دەپ اتالاتىن ەكٸنشٸ بٶلٸگٸن تٷسٸرۋدٸ اياقتادىق. جاقىن ارادا ونىڭ تۇساۋكەسەرٸ ٶتەدٸ. سوندىقتان مۇنى ٷلكەن جوبانىڭ باستاۋى عانا دەسەك تە بولادى", – دەدٸ ول.
تۋىندى پروديۋسەرٸ ارمان اسەنوۆ قازاق فيلمٸن بٷگٸندە شەتەلدٸك كٶرەرمەندەر تانىمال "تاقتار ويىنى" سەريالىمەن سالىستىرىپ جاتقاندىعىن باسا ايتتى. "بۇل فيلمدٸ 180-نەن استام ەل ساتىپ الۋعا قىزىعۋشىلىق تانىتىپ وتىر. ول بٸرٸنشٸ جەنە ەكٸنشٸ ماۋسىمداعى 10 سەرييا مەن 2 كينو نۇسقانى قامتيدى. ايتا كەتەرلٸگٸ, ەڭ الدىمەن لاتىن امەريكاسى ەلدەرٸ قىزىعۋشىلىق تانىتۋدا. ولار بۇل تۋىندىنى "تاقتار ويىنىمەن" سالىستىرۋدا", – دەدٸ ول.
تاريحي جوبانىڭ اۆتورى – قر پرەزيدەنتٸ ن. نازارباەۆ. فيلم قر مەدەنيەت جەنە سپورت مينيسترلٸگٸنٸڭ تاپسىرىسى بويىنشا ش.ايمانوۆ اتىنداعى "قازاقفيلم" اق "Centaurus Rustem Abdrashev production" جشس-نىڭ قاتىسۋىمەن تٷسٸرٸلگەن. فيلم ستسەنارييٸن جازۋشى سماعۇل ەلۋباي ٸليياس ەسەنبەرليننٸڭ "الماس قىلىش" رومانىنىڭ جەلٸسٸ بويىنشا دايىنداعان. تٷسٸرۋ جۇمىستارى الماتى قالاسى جەنە الماتى وبلىسى اۋماعىندا, جارتى بٶلٸگٸ "قازاقفيلم" كينوستۋديياسىندا جاسالعان دەكوراتسييادا ٶتكەن. وندا سۋرەتشٸلەر شايبانشاحتىڭ سارايىن جاساعان.
"الماس قىلىشتى" تٷسٸرۋگە ەكٸ جىل ۋاقىت كەتكەن. فيلمگە 500 ادام تارتىلعان. ونىڭ 200-ٸ تٷسٸرٸلٸم توبىنىڭ مٷشەلەرٸ. ناقتى تٷسٸرۋ جۇمىستارى 30-عا جۋىق نىساندا بەس اي بويى جٷرگەن. فيلم بيۋدجەتٸ 2 ملرد تەڭگەگە جەتكەن. سالىقتارىمەن ەسەپتەگەندە 5 ملن دوللار جۇمسالعان.
