مەسكەۋ تەجٸكستان مەن اۋعانستاننىڭ ەسكەرٸن ورتاق شەكاراعا قاراي تارتۋىنا الاڭداپ, تاراپتاردى "قيىن جاعدايدان شىعۋ جولدارىن ٸزدەستٸرۋگە" شاقىردى, دەپ حابارلايدى ازاتتىق.
بۇل تۋرالى 30 قىركٷيەكتە مەسكەۋدە ٶتكەن بريفينگتە رەسەي سٸم اقپارات دەپارتامەنتٸ ديرەكتورىنىڭ ورىنباسارى الەكسەي زايتسەۆ مەلٸمدەدٸ.
"تەجٸك-اۋعان قارىم-قاتىناسىنىڭ شيەلەنٸسۋٸنە الاڭداپ وتىرمىز. ورتاق شەكاراعا ەكٸ ەلدٸڭ قارۋلى كٷشتەرٸ تارتىلا باستاعانى تۋرالى مەلٸمەت الدىق. "تاليبان" قوزعالىسىنىڭ اقپاراتى بويىنشا, شەكاراعا جاقىن تاحور پروۆينتسيياسىندا عانا ونداعان مىڭ سارباز ورنالاسقان", - دەپ مەلٸمدەدٸ ول.
سوعان بايلانىستى مەسكەۋ دۋشانبە مەن كابۋلداعى "تاليبان" ٷكٸمەتٸن "قيىن جاعدايدان شىعۋ جولدارىن ٸزدەستٸرۋگە" شاقىردى, دەيدٸ زايتسەۆ.
تەلٸپتەر مۇنىڭ الدىندا كٶرشٸ ەلدەرگە قاۋٸپ تٶندٸرمەيتٸنٸن مەلٸمدەگەن. 15 تامىزدا "تاليبان" سودىرلارى كابۋلعا ۇرىسسىز كٸردٸ, اۋعانستان پرەزيدەنتٸ اشراف عاني بٸرٸككەن اراب ەمٸرلٸكتەرٸنە قاشتى. ەزٸرگە حالىقارالىق قاۋىمداستىق اۋعانستانداعى تەلٸپتەر بيلٸگٸن مويىنداعان جوق.
