سولتٷستٸك كورەيا باسشىسى كيم چەن ىن رەسەيدٸڭ "ۇلى وتان سوعىسىنداعى جەڭٸسكە 75 جىل" مەدالٸمەن ماراپاتتالدى. بۇل حاباردى رەسەيدٸڭ پحەنيانداعى ەلشٸلٸگٸ تاراتتى. ماراپاتتاۋ رەسٸمٸنە كيم چەن ىننىڭ ٶزٸ كەلمەگەن. مەدال سولتٷستٸك كورەيا سىرتقى ٸستەر مينيسترٸ لي سون گۆونعا تاپسىرىلعان.
مەدال "سولتٷستٸك كورەيادا قازا بولعان جەنە جەرلەنگەن سوۆەت جاۋىنگەرلەرٸن مەڭگٸ ەستە قالدىرۋعا قوسقان جەكە ٷلەسٸ ٷشٸن" جەنە "سوۆەت جاۋىنگەرلەرٸنە قويىلعان مەموريالداردى ساقتاۋعا جاناشىرلىق تانىتقانى ٷشٸن" بەرٸلگەن.
"ۇلى وتان سوعىسىنداعى جەڭٸسكە 75 جىل" مەدالٸنٸڭ قۇجاتى بويىنشا, شەتەل ازاماتتارىنا مۇنداي مەدال سوۆەت ەسكەرٸنٸڭ نەمەسە فلوتىنىڭ قۇرامىندا, نە بولماسا ەكٸنشٸ دٷنيەجٷزٸلٸك سوعىسقا پارتيزان جاساقتارىنىڭ قۇرامىندا سوعىسسا عانا بەرٸلەدٸ. كيم چەن ىننىڭ اتاسى – سولتٷستٸك كورەيانىڭ مەڭگٸ پرەزيدەنتٸ كيم ير سەن پارتيزان جاساعىندا بولعان.
كيم چەن ىن ەكٸنشٸ دٷنيەجٷزٸلٸك سوعىستىڭ اياقتالۋىنا 75 جىل قۇرمەتٸنە مامىر ايىندا مەسكەۋدە ٶتەتٸن پارادقا شاقىرىلعان. ونىڭ كەلٸسٸم بەرگەنٸ نەمەسە بەرمەگەنٸ جايلى حابارلانباعان, كوروناۆيرۋس ٸندەتٸنە بايلانىستى پاراد كەيٸنگە قالدىرىلعان.
بيىل, سەۋٸر ايىندا سولتٷستٸك كورەيا باسشىسى كيم چەن ىننىڭ جۇرت الدىنا شىقپاي كەتكەنٸ جايلى حابار تاراعان. 20 كٷننەن كەيٸن كورەيا ورتالىق اقپارات اگەنتتٸگٸ, 2 مامىردا كيم چەن ىن پحەنيان ماڭىنداعى تىڭايتقىش ٶندٸرەتٸن زاۋىت اشىلۋىنا ارنالعان سالتاناتتى شاراعا قاتىستى دەپ جارييالاعان.
