دەنساۋلىق ساقتاۋ مينيسترٸ الەكسەي تسوي قازاقستاندىقتاردىڭ قاشان ماسكاسىز ٶمٸرگە ورالا الاتىنىن ايتتى, دەپ حابارلايدى "ۇلت اقپارات".
«ول ٷشٸن بٸز حالىقتىڭ نەگٸزگٸ بٶلٸگٸنە ەكپە جاساپ ٷلگەرۋٸمٸز كەرەك. جوسپار بويىنشا ۆاكتسينالاۋدى كٷزدٸڭ باسىنا قاراي اياقتاۋ جوسپارى بار. قىركٷيەكتە ازاماتتارعا بارىنشا كٶپ ەكپە جاساۋىمىز كەرەك. كٶرٸپ وتىرسىزدار, امەريكا قۇراما شتاتتارىنداعى, يزرايلدەگٸ جاعداي حالىقتىڭ نەگٸزگٸ بٶلٸگٸن ۆاكتسينالاعاننىڭ ارقاسىندا بٸرشاما جاقساردى. ازاماتتاردىڭ 60 پايىزىنا دەيٸن ۆاكتسينا سالعاندىقتان, ماسكاسىن شەشٸپ, قالىپتى ٶمٸرگە ورالىپ جاتىر. ۇجىمدىق يممۋنيتەت بولعاندا ازاماتتار بٸر-بٸرٸن ۆيرۋستان قورعاي الادى. ال قازٸر بٸزدە ۆاكتسينا العاننىڭ ٶزٸندە ماسكانى شەشسە, اۋرۋ جۇقتىرۋ تەۋەكەلٸ بار. ٶيتكەنٸ نەگٸزگٸ بٶلٸگٸ ۆاكتسينا الىپ بٸتكەن جوق. ۆاكتسينا دەگەنٸمٸز – ۆيرۋس ادامنان ادامعا جۇققان كەزدە ەكپە العان ادامنان اۋرۋ جۇقتىرۋ تٸزبەگٸن ٷزەتٸن قۇرالى», - دەيدٸ مينيستر.
الەكسەي تسوي كٷزگە دەيٸن حالىقتىڭ 60 پايىزى ۆاكتسينا السا, قالىپتى ٶمٸرگە ورالۋ مٷمكٸن ەكەنٸن ايتتى.
«ۆاكتسينا العان ادامنىڭ سانى نەعۇرلىم كٶپ بولسا, ۆيرۋستىڭ تارالۋ مٷمكٸندٸگٸ سوعۇرلىم تارىلا تٷسەدٸ. سوندىقتان كٷزگە دەيٸن ازاماتتاردىڭ 60 پايىزىن ۆاكتسينامەن قامتۋعا تىرىسامىز. سوندا عانا بٸز ماسكا رەجيمٸن كەزەڭ-كەزەڭمەن الا باستايمىز. وتانداستارىمىزدى تەگٸن ۆاكتسينا الۋعا شاقىرامىز. قازاقستاننىڭ ۆاكتسينانى تەگٸن ۇسىنىپ وتىرعانى دا جەتٸستٸك. ەيتپەسە اقىلى ەكپە سالىپ جاتقان ەلدەر دە بار», - دەدٸ دەنساۋلىق ساقتاۋ مينيسترٸ.
