الماتىدا ٶتكەن باسپاسٶز مەسليحاتى بارىسىندا قالالىق تاۋارلار مەن قىزمەتتەردٸڭ قاۋٸپسٸزدٸگٸ مەن ساپاسىن قاداعالاۋ دەپارتامەنتٸنٸڭ ٶكٸلدەرٸ مەن قوعامدىق دەنساۋلىقتى ساقتاۋ باسقارماسىنىڭ باسشىسى ماسكا تاپشىلىعىنا قاتىستى پٸكٸر بٸلدٸردٸ, دەپ حابارلايدى قازاقپارات.
«بٷگٸندە ماسكالاردىڭ قورى شىنىمەن از. بٸراق از بولسا دا بار. كٷن سايىن اپتەكالارعا قوڭىراۋ شالىپ, ماسكالاردىڭ بار-جوعىن انىقتاپ جاتىرمىز. تاسىمالداۋشىلار مەن ٶندٸرۋشٸلەردەن ماعلۇمات الىپ تۇرامىز. ماسكا تاپشىلىعىن حالىق ٶزٸ تۋدىردى. شىن مەنٸندە ماسكانى اۋىرعان ادام ٶزگەلەرگە جۇقتىرماس ٷشٸن تاعۋى تيٸس بولاتىن», - دەدٸ دەپارتامەنت باسشىسىنىڭ ورىنباسارى ەسەل حالىقوۆا.
ونىڭ ايتۋىنشا, ەكٸ اپتا بۇرىن ماسكانىڭ قۇنىن قاداعالاۋ تۋرالى مەموراندۋمعا قول قويىلعان. بٸراق كەشەلٸ بەرٸ مونيتورينگ جۇمىستارى توقتاتىلدى.
«ماسكالاردىڭ ٶندٸرٸسٸ, جەتكٸزٸلۋٸ, ساتىلۋىندا جاعداي مەز ەمەس بولعان سوڭ مەموراندۋم توقتاتىلدى», - دەدٸ ەسەل حالىقوۆا.
قالالىق قوعامدىق دەنساۋلىقتى ساقتاۋ باسقارماسىنىڭ باسشىسى تٸلەۋحان ەبٸلداەۆتىڭ ايتۋىنشا, ماسكالاردىڭ تاپشىلىعىن بولدىرماۋ باعىتىنداعى جۇمىستار قر دسم تاراپىنان قولعا الىنىپ جاتىر.
«ٷكٸمەتتٸك ۆەدومستۆوارالىق كوميسسييانىڭ دەڭگەيٸندە ماسكا ٶندٸرۋشٸلەرٸنٸڭ ٶندٸرٸسٸن ارتتىرۋ ٷشٸن جۇمىس اتقارىلىپ جاتىر. ولاردىڭ مٷمكٸندٸگٸن كەڭەيتۋ ٷشٸن شيكٸزات جەتكٸزۋ مەسەلەسٸ قولعا الىندى. وسى شارالاردىڭ ارقاسىندا جەكەمەنشٸك اپتەكالارعا جەتكٸزٸلەتٸن ماسكالاردىڭ سانى ارتادى دەپ ويلايمىز», - دەدٸ ەبٸلداەۆ.
مۇنىڭ الدىندا قالالىق قوعامدىق دەنساۋلىقتى ساقتاۋ باسقارماسىنىڭ باسشىسى تٸلەۋحان ەبٸلداەۆ كوروناۆيرۋس جۇقپاسىنىڭ احۋالى تۋرالى ايتقان بولاتىن.
ايتا كەتۋ كەرەك , ەلەمدە كوروناۆيرۋس جۇقتىرعاندار سانى 90 مىڭنان استى.
بۇل تۋرالى دٷنيەجٷزٸلٸك دەنساۋلىق ساقتاۋ ۇيىمىنىڭ باسشىسى تەدروس گەبرەەس مەلٸم ەتتٸ.
قازٸرگٸ ۋاقىتتا ەلەمدە COVID-19 ۆيرۋسىن جۇقتىرعاندار سانى 90 893 ادام جەنە ودان 3110 ادام قايتىس بولدى.
سوڭعى 48 ساعاتتا قىتايدان تىسقارى جەردە تٸركەلگەن 1848 ناۋقاستىڭ 80%-ى ٷش ەلگە تيەسٸلٸ: يران, يتالييا جەنە وڭتٷستٸك كورەيا.
