ماسكا تاعۋ بولاشاقتا جاڭا مەدەنيەتكە اينالۋى مٷمكٸن. بۇل تۋرالى ونلاين بريفينگ بارىسىندا قازاقستان پروفيلاكتيكالىق مەديتسينا اكادەميياسىنىڭ پرەزيدەنتٸ الماز شارمان ايتتى, دەپ حابارلايدى "ۇلت اقپارات".
«مەنٸڭ ويىمشا, ماسكا تاعىپ جٷرۋ بولاشاقتا جاڭا مەدەنيەتكە اينالادى. بۇندا تۇرعان ەشقانداي سٶكەتتٸك جوق. ىڭعايسىزدىق تۋدىراتىنى راس. الايدا, وڭتٷستٸك ازييا ەلدەرٸندە بولعان ازاماتتار بٸلەدٸ. ول جاقتا ادامدار بۇرىننان ماسكا تاعادى», - دەدٸ ول.
الماز شارماننىڭ ايتۋىنشا, شەتەلدٸك ساراپشىلار ماسكا تاعۋدىڭ كوروناۆيرۋستىڭ ەكٸنشٸ تولقىنىنىڭ سەرپٸنٸن ازايتۋعا سەپتٸگٸن تيگٸزەدٸ.
«ماسكا ۆيرۋستان قورعاۋعا 100 پايىز كەپٸلدٸك بەرمەسە دە, ۆيرۋستىق جٷكتەمەنٸ ازايتادى. ياعني, ەگەر ادامنىڭ اعزاسىنا كٸشكەنتاي 1-2 ۆيرۋس تٷسكەن جاعدايدا, ول اعزادا انتيدەنە تٷزٸلۋٸنە مٷمكٸندٸك بەرەدٸ», - دەدٸ سپيكەر.
