ماسكا تاعۋ كٷندەلٸكتٸ ٶمٸرٸمٸزدەگٸ مەدەنيەتكە اينالۋى تيٸس. مۇنداي پٸكٸردٸ «امان-ساۋلىق» قوعامدىق قورىنىڭ پرەزيدەنتٸ باقىت تٷمەنوۆا بٸلدٸردٸ, دەپ حابارلايدى قازاقپارات.
«كارانتين شارالارىنىڭ كەزەڭ-كەزەڭٸمەن الىنۋى ٶتە دۇرىس. ٶيتكەنٸ سوڭعى 2-4 اپتانىڭ ٸشٸندە ۆيرۋسقا شالدىعۋ جاعدايى تٶمەندەپ كەلە جاتىر. سوندىقتان 17 تامىزدان قاتاڭداتىلعان كارانتين شارالارى بٸرتٸندەپ العىنعانىمەن تولىقتاي جويىلمايدى. مۇنى تٷسٸنۋٸمٸز كەرەك. كوروناۆيرۋسقا ەلٸ توسقاۋىل قويىلعان جوق. ەلٸمٸزدە دە, ەلەمدە دە تيىلماي وتىر. دەمەك, كارانتين الىندى دەپ توي-دۋماندى باستاۋعا, ماسكانى شەشٸپ تاستاۋعا بولمايدى. ساقتىق, قاۋٸپسٸزدٸك شارالارىنىڭ بارلىعى دا ورىندالۋى تيٸس. جالپى, كوروناۆيرۋس ٶتە جىمىسقى اۋرۋ. الدا نە بولارىن بٸلمەيمٸز, كٷزدە ەكٸنشٸ تولقىنى سوعادى دەپ جاتىرمىز. مٸنە, وسىعان وراي كارانتين شارالارىن كەزەڭ-كەزەڭمەن الىپ تاستاعانمەن الداعى 1-2 اپتا جاعدايدى جٸتٸ باقىلاۋدا ۇستاۋ قاجەت. ەگەر ٸندەت قايتا ٶرشيتٸن بولسا, وندا كارانتين شارالارى قايتا قاتاڭداتىلاتىندىعى سٶزسٸز. وعان دا تٷسٸنٸستٸك تانىتۋىمىز قاجەت. ٶيتكەنٸ, بۇعان دەيٸن كارانتين شارالارىن جەڭٸلدەتٸپ ەدٸك, كوروناۆيرۋس ٸندەتٸنە شالدىققاندار سانى كٷرت ارتىپ كەتتٸ. ادامدار ماسكا تاعۋ, ەلەۋمەتتٸك اراقاشىقتىق ساقتاۋ ەرەجەلەرٸن ۇستامادى», - دەدٸ ول.
ونىڭ اتاپ ٶتۋٸنشە, ٸندەت تاراعان كەزدە ەلٸمٸزدٸڭ دەنساۋلىق ساقتاۋ مينيسترلٸگٸ كوروناۆيرۋس جۇقتىرعاندار سانى 3,5 مىڭنىڭ تٶڭٸرەگٸندە بولاتىندىعىن بولجاعان. الايدا, قازٸرگٸ ۋاقىتتا ٸندەتكە شالدىققاندار سانى 100 مىڭنان اسىپ وتىر. ال بۇعان مەديتسينا سالاسىنىڭ ماماندارىمەن قاتار قوعام, ادامداردىڭ ٶزدەرٸ دە كٸنەلٸ. ادامداردىڭ كٸنەلٸ بولۋ سەبەبٸ, ولار دەرٸگەردٸڭ كەڭەسٸنە قۇلاق اسقان جوق.
«مەنٸڭشە, كوروناۆيرۋستىڭ اۋىر فورماسى جەنە ٶلٸم-جٸتٸم جاسى كەلگەن ادامداردىڭ اراسىندا كٶپ بولدى. مۇنىڭ سەبەبٸ نەدە? ولاردىڭ جاسى كەلگەندٸكپەن بە? جوق, ولاردا جٷرەك, ٶكپە سىندى اعزالارىنىڭ سوزىلمالى اۋرۋلارى بولدى. ەندٸ ولار وسىناۋ كارانتين شارالارىنىڭ كەزەڭ-كەزەڭمەن الىنىپ تاستالۋىنا پايدالانىپ, دەنساۋلىقتارىن شىڭداۋى, ارتىق سالماقتارىنان ارىلۋى قاجەت. دۇرىس تاماقتانىپ, سالاۋاتتى ٶمٸر سالتىن ۇستانۋى, كٷندەلٸكتٸ سەرۋەندەپ, جاتتىعۋلار جاساۋى كەرەك. بۇعان قوسا, شىلىم شەگۋدەن دە باس تارتقان ابزال. دٷنيەجٷزٸلٸك دەنساۋلىق ساقتاۋ ۇيىمى كٷزگە قاراي كورونۆيرۋس ٸندەتٸنٸڭ ەكٸنشٸ تولقىنى باس كٶتەرەتٸندٸگٸن ەسكەرتٸپ جاتىر. سوندىقتان جوعارىدا اتاعان اۋرۋلارى بار ادامدار دايىن بولۋى تيٸس. تاعى بٸر ايتارىم, ماسكا تاعۋ كٷندەلٸكتٸ ٶمٸرٸمٸزدەگٸ مەدەنيەتكە اينالۋى تيٸس», - دەدٸ باقىت تٷمەنوۆا.
ايتا كەتەيٸك, وسى ايدىڭ 17 تامىزىنان باستاپ بارلىق ٶڭٸردە ساۋدا ويىن-ساۋىق ورتالىقتارى, ساۋدا جەلٸلەرٸ, جابىق بازارلار, سەن سالوندارى, شاشتاراز, سپا ورتالىقتار, كوسمەتولوگييالىق قىزمەت كٶرسەتەتٸن كەسٸپكەرلٸك سۋبەكتٸلەرٸنٸڭ قىزمەتٸ جاندانادى. باسسەينٸ جوق فيتنەس ورتالىقتار, باسسەينٸ جوق مونشالار مەن ساۋنالار, بٸلٸم بەرۋ ورتالىقتارى, مەكتەپكە دەيٸنگٸ بالالار مەكەمەلەرٸنٸڭ كەزەكشٸ توپتارى, اشىق اۋاداعى اتتراكتسيوندار جۇمىسىن باستايدى. بٸراق, بۇل اتالعان سۋبەكتٸلەردٸڭ بارلىعى دا مەيلٸنشە جارتىلاي قۋاتتىلىقپەن جۇمىس ٸستەگەنٸ دۇرىس. تۇتىنۋشىلاردى توپتاپ قابىلداۋعا بولمايدى. سونىمەن قاتار, جۇمىس بەرۋشٸلەر ٷشٸن قىزمەتكەرلەردٸڭ 80 پايىز قاشىقتان ەڭبەك ەتۋ ەرەجەسٸن ساقتاۋى ۇسىنىلادى. بۇل رەتتە كارانتين شارالارى الىنىپ تاستالدى دەپ ەركٸنسۋگە بولمايدى. سانيتارلىق-ەپيدەميولوگييالىق تالاپتاردى قاتاڭ ساقتاپ, ماسكا تاعۋ, قولدى ٷنەمٸ سابىنداپ جۋۋ, انتيسەپتيك پايدالانۋ, قوعامدىق ورىنداردا ارا قاشىقتىق ۇستانۋ قاجەت. ٶيتكەنٸ, الدا كوروناۆيرۋستىڭ ەكٸنشٸ تولقىنى جٷرۋ قاۋپٸ جوعارى.
جۇمىس كٷندەرٸ كارانتيندٸك شارالار جەڭٸلدەگەنمەن, دەمالىس كٷندەرٸ كارانتين تەرتٸبٸ قاتاڭ ساقتالادى. 65 جاستان اسقان ازاماتتاردىڭ كٶشەگە شىعۋى شەكتەلەدٸ. قوعامدىق كٶلٸكتەردٸڭ قوزعالىسى توقتايدى جەنە دەمالىس كٷندەرٸ جۇمىسقا بارۋعا تىيىم سالىنادى. بۇل دا كوروناۆيرۋس ٸندەتٸنٸڭ تارالۋىنا جول بەرمەۋ ٷشٸن جاسالىپ وتىرعان مەجبٷرلٸ شارا دەسەك تە بولادى. دەگەنمەن, سەنبٸ-جەكسەنبٸدە ازىق-تٷلٸك دٷكەندەرٸ مەن دەرٸحانالار جۇمىسىن جالعاستىرا بەرەدٸ.
ال ويىن-ساۋىق, سپورت, وتباسىلىق, ەستەلٸك, سالتاناتتى جەنە باسقا دا بۇقارالىق ٸس-شارالاردى ٶتكٸزۋگە, بارلاردىڭ, تٷنگٸ جەنە ويىن كلۋبتارىنىڭ, كاراوكە, فۋدكورت, كينوتەاترلاردىڭ جەنە بالالار مەن ەرەسەكتەرگە ارنالعان باسقا دا ويىن-ساۋىق ورىندارىنىڭ جۇمىسىنا, مەدەنيەت نىساندارىنىڭ, مۋزەيلەردٸڭ قىزمەتٸنە, كونفەرەنتسييالار, كٶرمەلەر, فورۋمدار ٶتكٸزۋگە; باسسەيندەر, قالالىق جەنە قوعامدىق جاعاجايلار, اشىق اكۆاپاركتەردٸڭ, دٸني نىسانداردىڭ جۇمىسىنا تىيىم بار.
