پسيحولوگتار بالالار ٷشٸن ەڭ قاۋٸپتٸ مۋلتفيلمدەردٸڭ تٸزٸمٸن جاسادى. ماماندار بالا ەكرانداعى بولىپ جاتقان جايعا سەنٸممەن قارايتىنىن باستى نازارعا الدى. سونىمەن بٸرگە ولار سول كەيٸپكەرلەرگە جيٸ ۇقساعىسى كەلەتٸنٸن, بالالار ٷشٸن ول ٶمٸردەگٸ ادام با, ەلدە قييالداعى پەرسوناج با, بەرٸبٸر ەكەنٸن العا تارتۋدا.
مامانداردىڭ پٸكٸرٸنشە, «ماشا مەن ايۋ» مۋلتفيلمٸ بالالار ٷشٸن ەڭ قاۋٸپتٸ بولىپ سانالادى. سەبەبٸ مۋلتفيلمدەگٸ ماشا قىز ەركە ەرٸ تەرتٸپسٸز. ويىنداعىسىن ورىنداماي قويمايتىن شولجاڭ.
ەكٸنشٸ ورىندا - امەريكالىق «مونستر حاي» مۋلتفيلمٸ. بۇل مۋلتفيلمدە جارگون سٶزدەر كٶپ بولعاندىقتان ول بالانىڭ تٸلٸنە, سٶزدٸك قورىنا كەرٸ ەسەرٸن تيگٸزبەي قويمايدى.
ٷشٸنشٸ ورىندا - «گۋبكا بوب», پسيحولوگتاردىڭ پٸكٸرٸنشە, مۋلتفيلمنٸڭ باستى كەيٸپكەرٸ جانجالعا ٶتە بەيٸم. بوب ٷنەمٸ دوستارىنا قارسى شىعىپ, ولارمەن داۋلاسىپ جٷرەدٸ.
كەلەسٸ ورىنعا ماماندار «توم مەن دجەرري» مۋلتفيلمٸن قويىپ وتىر. پسيحولوگتار مۋلتفيلمدە تىشقان ىلعي توم مىسىقتى قورلاپ, مۇقاتاتىنىن, ال مىسىق بولسا ودان بار اشۋىن الاتىنىن ايتادى.
ماماندار اتا-انالارعا بالالارى كٶرەتٸن مۋلتفيلمدەرگە نازار اۋدارىپ, ەگەر ول جاعىمسىز بولسا, كٶرسەتپەگەن دۇرىس دەگەن كەڭەس بەرەدٸ.
