قاسىم-جومارت توقاەۆ قاراعاندى وبلىسىنا جۇمىس ساپارى اياسىندا جەزقازعان ٶڭٸرٸنٸڭ ەلەۋمەتتٸك دامۋى مەن مينەرالدى-شيكٸزات بازاسىن كەڭەيتۋ جٶنٸندەگٸ «قازاقمىس كورپوراتسيياسى» جاۋاپكەرشٸلٸگٸ شەكتەۋلٸ سەرٸكتەستٸگٸنٸڭ جوسپارىمەن تانىستى, دەپ حابارلايدى "ۇلت اقپارات" اقوردانىڭ باسپاسٶز قىزمەتٸنە سٸلتەمە جاساپ.
«قازاقمىس» كومپانييالار توبىنىڭ پرەزيدەنتٸ ۆلاديمير كيم مەملەكەت باسشىسىنا جەزقازعان كەن ورىندارىنداعى قازبا جۇمىستارىنىڭ ەسەر ەتۋ ايماعىنان 2 815 وتباسىن كٶشٸرۋ جەنە ينفراقۇرىلىم جٷرگٸزۋ جۇمىستارىنىڭ اياقتالعانى تۋرالى باياندادى.
«قازاقمىس حولدينگ» ديرەكتورلار كەڭەسٸنٸڭ تٶراعاسى ەدۋارد وگاي پرەزيدەنتكە قازاقستان رەسپۋبليكاسىن 2025 جىلعا دەيٸن دامىتۋدىڭ ۇلتتىق جوسپارى نەگٸزٸندە قاراعاندى وبلىسىنىڭ ەكٸمدٸگٸمەن بٸرلەسە وتىرىپ, جەزقازعان مەن بالقاش ٶڭٸرلەرٸن دامىتۋدىڭ 2020-2025 جىلدارعا ارنالعان باعدارلاماسىنىڭ ەزٸرلەنگەنٸ جٶنٸندە ايتتى. باعدارلامادا نەگٸزگٸ ٷش باعىت قامتىلعان. اتاپ ايتقاندا, ەلەۋمەتتٸك قىزمەتتەردٸڭ دەڭگەيٸن ارتتىرۋ, ينفراقۇرىلىمدى جەتٸلدٸرۋ جەنە ەكونوميكالىق دامۋ.
قاسىم-جومارت توقاەۆقا سۋمەن قامتاماسىز ەتۋ جوبالارىن ٸسكە اسىرۋدىڭ پەرسپەكتيۆالارى, بٸلٸم ساپاسىن ارتتىرۋ, ازىق-تٷلٸك نارىعىنداعى باعالاردى تۇراقتاندىرۋ جٶنٸندە ايتىلدى. سونداي-اق, كورپوراتسييانىڭ ەلەۋمەتتٸك مٸندەتتەمەلەردٸ ورىنداۋى جەنە ينۆەستيتسييالىق جوبالاردى ٸسكە اسىرۋى جٶنٸندە مەلٸمەت بەرٸلدٸ. كومپانييا ايماق تۇرعىندارى اراسىندا ەلەۋمەتتٸك ساۋالناما جٷرگٸزٸپ, ٶمٸر سٷرۋدٸڭ قولايلى جاعدايىن جاساۋعا نيەتتٸ. جەزقازعان مەن بالقاش ٶڭٸرلەرٸن ٶركەندەتۋدە ەلٸمٸزدٸڭ دامىعان ايماعى سانالاتىن الماتى قالاسى ٷلگٸ بولماق.
جۇمىس ساپارى بارىسىندا مەملەكەت باسشىسىنا جەزقازعان قالاسىن ساپالى اۋىزسۋمەن قامتاماسىز ەتۋدٸڭ قيىندىقتارى تۋرالى باياندالدى. مەسەلەنٸ شەشۋ ٷشٸن ٷيتاس-ايدوس سۋقۇبىرىن قايتا جٶندەۋدەن ٶتكٸزٸپ, قوجامسەيٸت كەن ورنىندا جاڭا سۋقۇبىرىن سالۋ قاجەت. پرەزيدەنت ٷكٸمەتكە جەنە وبلىس ەكٸمدٸگٸنە اتالعان جوبانى 1,5 جىلدىڭ ٸشٸندە جٷزەگە اسىرۋدى تاپسىردى.
– زەرتتەۋ باعىتتارىڭىز دۇرىس دەپ ەسەپتەيمٸن. سۋمەن قامتۋ – شەشۋدٸ قاجەت ەتەتٸن ماڭىزدى ەلەۋمەتتٸك مەسەلە. مەن جولداۋىمدا وسى تۋرالى ايتقانمىن. ٷكٸمەت تيٸستٸ تاپسىرما الدى. مەنٸڭ ويىمشا, ٷكٸمەت ەكٸمدٸكپەن جەنە سٸزدەرمەن بٸرلەسٸپ, قىسقا مەرزٸم ٸشٸندە, ارى كەتكەندە 1,5 جىلدا وسى مەسەلەنٸ شەشۋٸ كەرەك. بٸز ازاماتتارىمىزدى تازا اۋىزسۋمەن قامتاماسىز ەتۋٸمٸز قاجەت. مەن بۇل مەسەلەنٸ ٶز باقىلاۋىما الامىن, – دەدٸ مەملەكەت باسشىسى.
پرەزيدەنت «قازاقمىس» كورپوراتسيياسىنىڭ بٸلٸم سالاسىنداعى جوبالارعا قولداۋ كٶرسەتٸپ وتىرعانىن وڭ باعالادى.
– شىن مەنٸندە, بٸلٸم – مەملەكەتٸمٸزدٸڭ بولاشاعى. بۇل جەردە, ەڭ الدىمەن, مۇعالٸمدەر دايىنداۋعا كٶڭٸل بٶلٸنۋٸ كەرەك, – دەدٸ قاسىم-جومارت توقاەۆ.
مەملەكەت باسشىسى ازىق-تٷلٸك باعاسىنىڭ قىمباتتاۋىنا جەنە اۋىل شارۋاشىلىعىن سۋبسيدييالاۋ مەسەلەسٸنە قاتىستى پٸكٸر بٸلدٸردٸ.
– بۇل, ەرينە, ەلەم نارىعىندا بولىپ جاتقان كٷردەلٸ مەسەلە. ەلەمدە بارلىق تاۋاردىڭ باعاسى شامامەن 40-50 پايىزعا قىمباتتادى. بٸزدٸڭ ەلٸمٸزدەگٸ قوردالانعان مەسەلەلەردٸڭ سالدارىنان ازىق-تٷلٸك قىمباتتاپ وتىر. بۇل مەسەلەنٸ شۇعىل شەشۋگە قانشا تىرىسساق تا, جاعدايدى ٶزدەرٸڭٸز دە كٶرٸپ وتىرسىزدار. اتالعان مەسەلەنٸ جٷيەلٸ تٷردە شەشۋٸمٸز قاجەت. اۋىل شارۋاشىلىعى سالاسىنا قىرۋار قارجى بٶلسەك تە, ازىق-تٷلٸكتٸڭ باسىم بٶلٸگٸن سىرتتان الامىز. ٶزگە ەلدەر سۋبسيدييانىڭ نە ەكەنٸن دە بٸلمەيدٸ. بٸلسە دە, دەل وسىنداي مول قارجى بٶلٸنبەيدٸ. بٸر جاعىنان ادامداردى بوساڭسىتىپ جٸبەردٸك, ەكٸنشٸ جاعىنان سىبايلاس جەمقورلىققا جول بەرٸپ الدىق. بۇل مەسەلەمەن تٷبەگەيلٸ اينالىسۋىمىز كەرەك. مەن ٷكٸمەتكە, اۋىل شارۋاشىلىعىنىڭ جاڭا مينيسترٸنە مٸندەت جٷكتەدٸم, – دەدٸ پرەزيدەنت.
ٸس-شارا بارىسىندا ەكولوگيياعا جەنە ٸرٸ كەسٸپورىنداردىڭ شىعاراتىن قالدىقتارىنا قاتىستى مەسەلەگە ەرەكشە نازار اۋدارىلدى.
– بٸز 2060 جىلى كاربونيزاتسييا دەڭگەيٸن نٶلگە تٷسٸرەمٸز دەپ جارييالادىق. ەكونوميكامىزدىڭ ەرەكشەلٸگٸن جەنە ونىڭ قۇرىلىمىن ەسكەرۋٸمٸز قاجەت. ەنەرگييالىق تەڭگەرٸمنٸڭ 70 پايىزى كٶمٸرگە تيەسٸلٸ ەكەنٸ بەلگٸلٸ. بٸز ەرتەڭ بەرٸن جاۋىپ تاستاپ, كٶمٸرتەگٸنەن ارىلدىق دەپ ايتا المايمىز. بۇل سٸزدەردٸڭ كەسٸپورىندارىڭىزعا دا قاتىستى. بٸراق 2060 جىلعا قاراي كٶمٸرتەگٸنەن ارىلۋ باعىتى بويىنشا جٷرۋگە تيٸسپٸز. ەيتپەسە, ەلەمدٸك دامۋدىڭ كٶشٸنەن قالىپ قويامىز. بۇل نەگٸزگٸ كەسٸپورىنداردىڭ مٷددەسٸن ەسكەرە وتىرىپ, ٷكٸمەتكە جەنە مەملەكەت باسشىسى رەتٸندە ماعان دا جٷكتەلگەن اسا جاۋاپتى مٸندەت, – دەدٸ قاسىم-جومارت توقاەۆ.
پرەزيدەنت جيىندى قورىتىندىلاي كەلە, بارلىق بەكٸتٸلگەن باعىتتار بويىنشا مەملەكەت وتاندىق جەتەكشٸ كەسٸپورىندارمەن بٸرلەسٸپ, تيٸستٸ جۇمىستاردى بەلسەندٸ جالعاستىرۋى كەرەك ەكەنٸن ايتتى.
