قورداي اۋدانىنا قاراستى ماسانچي اۋىلىندا قيراعان ٷيٸندٸلەردٸڭ استىنان ادام مٷردەسٸ تابىلدى. بۇل جايىندا جامبىل وبلىسى ەكٸمٸنٸڭ كەڭەسشٸسٸ قانات قۇلشىمانوۆ Facebook پاراقشاسىندا جازدى, دەپ حابارلايدى "ۇلت اقپارات".
«2020 جىلدىڭ 11 اقپانىندا ساعات 12:07-دە جامبىل وبلىستىق پوليتسييا دەپارتامەنتٸنٸڭ كەزەكشٸ بٶلٸمٸنە قورداي اۋدانىنىڭ ماسانچي اۋىلىندا ساۋدا ورتالىعى عيماراتىن (ٶرتتەن كەيٸن شاتىرى قۇلاعان) تازارتۋ كەزٸندە قيراعان ٷيٸندٸلەردٸڭ استىنان ادامنىڭ ٶرتەنگەن مٷردەسٸ تابىلعاندىعى تۋرالى اقپارات تٷستٸ. مەيٸتتٸڭ جەكە باسىن انىقتاۋ ٷشٸن سوت-مەديتسينالىق ساراپتاما تاعايىندالدى. جەدەل الدىن-الۋ شارالارى جٷرگٸزٸلۋدە», - دەپ جازدى ول.
ەسكە سالايىق , 7 اقپان كٷنٸ جامبىل وبلىسىنىڭ قورداي اۋدانىنداعى ماسانچي اۋىلىنىڭ تۇرعىندارى اراسىندا جاپپاي تٶبەلەس بولدى.
قر پرەزيدەنتٸ قاسىم-جومارت توقاەۆ بۇزاقىلىق سيپاتتاعى جاپپاي تٶبەلەستٸ ايىپتاپ, ارانداتۋشىلار بۇنى ودان سايىن ٶرشٸتكەنٸن مەلٸمدەدٸ.
قازٸرگٸ ۋاقىتتا قورداي اۋدانىنداعى وقيعا بايلانىستى 25-تەن استام قىلمىستىق ٸس قوزعالدى.
