تٷركٸستان وبلىسىنىڭ ارىس قالاسىندا ماس كٷيٸندە كٶلٸك جٷرگٸزٸپ, اۋلادا وتىرعان ادامداردى قاققان ەيەلگە سوت ٷكٸمٸ شىقتى. جول-كٶلٸك وقيعاسىنان ٷش ادام, ونىڭ ٸشٸندە ەكٸ بالا قازا تاۋىپ, تاعى ەكٸ ادام جاراقات العان, دەپ حابارلايدى ult.kz.
وقيعا بيىل 6 ماۋسىمدا ساعات 20:30 شاماسىندا ارىس قالاسىنداعى ا.سەيتبەك كٶشەسٸندە بولعان. سوت ماتەريالدارىنا سەيكەس, سوتتالعان ەيەل الكوگولدٸك ماساڭ كٷيدە كٶلٸك جٷرگٸزٸپ, ٷيدٸڭ سىرتىنداعى ورىندىقتا وتىرعان بٸر توپ ادامدى قاعىپ كەتكەن. ارتىنشا ول جول-كٶلٸك وقيعاسى بولعان جەردەن كەتٸپ قالعان.
ەيەلگە قازاقستان رەسپۋبليكاسى قىلمىستىق كودەكسٸنٸڭ 345-1-بابىنىڭ 4-بٶلٸگٸ جەنە 347-بابى بويىنشا ايىپ تاعىلعان.
تٷركٸستان وبلىسىنىڭ سوتى وعان 9 جىلعا باس بوستاندىعىنان ايىرۋ جازاسىن تاعايىندادى. سونىمەن قاتار, ەيەل ٶمٸر بويىنا كٶلٸك جٷرگٸزۋ قۇقىعىنان ايىرىلدى.
الايدا سوتتالعان ەيەلدٸڭ اسىراۋىندا كەمەلەتكە تولماعان بالاسى بولعاندىقتان, باس بوستاندىعىنان ايىرۋ جازاسىن ورىنداۋ بٸر جىلعا كەيٸنگە قالدىرىلدى.
سوتتالعان ەيەلدٸڭ مەكتەپتە مۇعالٸم بولىپ جۇمىس ٸستەگەنٸ بەلگٸلٸ بولدى. 5 قىركٷيەكتە ٶتكەن سوت جارىسسٶزٸندە ول اسىراۋىندا مٷگەدەكتٸگٸ بار بالاسى بار ەكەنٸن ايتىپ, سوتتان ٶزٸنە اۋىر جازا تاعايىنداماۋدى سۇراعان.
سوت ٷكٸمٸ زاڭدى كٷشٸنە ەنگەن.
