اتىراۋدا تٶرت ادامدى ٶلتٸردٸ دەپ ايىپتالعان سۇلتان سەرسەمەليەۆكە قاتىستى سوت پروتسەسٸ جالعاسىپ جاتىر. 18 ماۋسىمداعى سوت وتىرىسىندا جەبٸرلەنۋشٸ تاراپتىڭ ازاماتتىق تالاپ ارىزىنىڭ سوماسى جارييالاندى, دەپ حابارلايدى ult.kz dalanews.kzسايتىنا سٸلتەپ.
قايتىس بولعان ماقسوت قاراباليننٸڭ قارىنداسى ەدەمٸ شىلماعامبەتوۆا سوتتالۋشىدان 70 ملن تەڭگە كٶلەمٸندە مورالدىق جەنە ماتەريالدىق شىعىن ٶندٸرۋدٸ سۇراپ وتىر.
سوتتا سەرسەمەليەۆ بۇل تالاپتان باس تارتپايتىنىن ايتتى. الايدا ول قازٸرگٸ قارجىلىق جاعدايىنا بايلانىستى اتالعان سومانى قايتارا الاتىنىنا كەپٸلدٸك بەرە المايتىنىن جەتكٸزدٸ.
"تالاپ ارىزدى قابىلدايمىن, بٸراق قايتاراتىنىما كەپٸلدٸك بەرە المايمىن. الدىمدا ٶمٸر بويى تٷرمە كٷتٸپ تۇر", – دەدٸ سوتتالۋشى.
قازٸرگٸ ۋاقىتتا ٸس بويىنشا سوت وتىرىستارى جالعاسىپ جاتىر.
