فوتو: كوللاج inbusiness.kz
مارقۇم ٶرت سٶندٸرۋشٸ, ەرجٷرەك باتىر اسقار زابيكۋليننٸڭ قىزى مەكتەپ تابالدىرىعىن اتتاپ, 1-سىنىپقا باردى, دەپ حابارلايدى تجد باسپاسٶز قىزمەتٸ.
العاشقى قوڭىراۋ كٷنٸ ونى ەكەسٸنٸڭ ەرٸپتەستەرٸ جالعىز قالدىرماي, مەكتەپكە بٸرگە ەرتٸپ اپارىپ, قۋانىشىنا ورتاقتاستى.
وسىلايشا, ەلوردالىق تجد قىزمەتكەرلەرٸ قىزمەت بارىسىندا ەرلٸكپەن قازا تاپقان ەرٸپتەستەرٸنٸڭ وتباسىنا قولداۋ كٶرسەتٸپ, قىزىن العاشقى قادامىمەن قۇتتىقتادى.
سالتاناتتى جيىننان سوڭ باتىردىڭ وتباسى اسقار زابيكۋليننٸڭ ەسٸمٸ بەرٸلگەن ٶرت سٶندٸرۋ بٶلٸمٸنە بارىپ, ەسكەرتكٸشٸنە تاعزىم ەتٸپ, ەسكە الۋ بۇرىشىمەن تانىستى.
"باتىردىڭ ۇرپاعىنا كٶرسەتٸلگەن قامقورلىق – بۇل ەرلٸك پەن ادالدىقتىڭ جارقىن ٷلگٸسٸن كٶرسەتكەن اسقار زابيكۋليننٸڭ رۋحىنا كٶرسەتٸلگەن قۇرمەت", – دەلٸنگەن تجد حابارلاماسىندا.
ەسكە سالا كەتەيٸك, 2022 جىلدىڭ 16 قاراشاسىندا استاناداعى ٶرت كەزٸندە اسقار زابيكۋلين ادامداردى قۇتقارىپ, ٶزٸ اۋىر جاراقات الدى. ول 20 قاراشا كٷنٸ اۋرۋحانادا كٶز جۇمدى. پرەزيدەنت جارلىعىمەن اسقار زابيكۋلين ٸ دەرەجەلٸ "ايبىن" وردەنٸمەن ماراپاتتالدى.
