2019 جىلدىڭ قورىتىندىسى بويىنشا سالىق بەرەشەگٸ 12 پايىزعا قىسقاردى. بۇل تۋرالى بٷگٸن ورتالىق كوممۋنيكاتسييالار قىزمەتٸندەگٸ باسپاسٶز مەسليحاتىندا قر قم مەملەكەتتٸك كٸرٸستەر كوميتەتٸنٸڭ تٶراعاسى مارات سۇلتانعازيەۆ ايتتى, دەپ حابارلايدى "ۇلت اقپارات".
«نەگٸزگٸ كٶرسەتكٸشتەردٸڭ بٸرٸ - بەرەشەكتەر مەن ارتىق تٶلەمدەردٸڭ قىسقارۋى. ەكٸمشٸلەندٸرۋدٸ جاقسارتۋ بويىنشا قابىلدانعان شارالار سوڭعى 4 جىلدا ارتىق تٶلەمدەردٸڭ ەڭ ٷلكەن كٶلەمٸنە - 2,3 ترلن تەڭگەدەن 2,1 ترلن تەڭگەگە دەيٸن تٶمەندەتۋگە مٷمكٸندٸك بەردٸ. 2019 جىلدىڭ قورىتىندىسىندا ول 157 ملرد تەڭگەگە نەمەسە 2,1 ترلن تەڭگەگە دەيٸن قىسقاردى. قابىلدانعان شارالاردىڭ ەسەبٸنەن سالىق بەرەشەگٸن 12 پايىزعا نەمەسە 28,3 ملرد تەڭگەگە تٶمەندەتۋ قامتاماسىز ەتٸلدٸ. ول 2020 جىلدىڭ 1 قاڭتارىندا 204 ملرد تەڭگەنٸ قۇرادى», - دەدٸ ول.
كوميتەت باسشىسىنىڭ ايتۋىنشا, قازٸرگٸ ۋاقىتتا مەملەكەتتٸك ساتىپ الۋدىڭ اشىقتىعىن ارتتىرۋ ماقساتىندا وعان قاتىسۋشىلاردان قارجىلىق تۇراقتىلىعىن راستاۋ تالاپ ەتٸلەدٸ. بۇل دا 58 سالىق تٶلەۋشٸنٸڭ بيۋدجەتكە 1 ملرد تەڭگەدەن استام تٶلەم جاساۋىن قامتاماسىز ەتٸپ وتىر.
«بۇعان قوسا, ٶتكەن جىلى ٸسكە قوسىلعان تەۋەكەلٸ بار كومپانييالاردى انىقتاۋ جەنە ولارعا ەرتە ساتىدا ەلەكتروندى شوت-فاكتۋرالار جازىپ بەرۋدٸ شەكتەۋ بويىنشا ٸلكٸ جوبا جٷزەگە اسىرىلىپ جاتىر. جوبا باستالعاننان بەرٸ 30 ملرد تەڭگەنٸڭ قوسىلعان قۇن سالىعىن زاڭسىز ەسەپكە جاتقىزۋدىڭ جولى كەسٸلدٸ. مۇنىڭ بارلىعى دا سالىق مەدەنيەتٸ مەن تەرتٸبٸنٸڭ ارتۋىنا ىقپال ەتتٸ. سالىقتىق مونيتورينگ نەتيجەسٸندە 36 پايىزعا نەمەسە 323 ملرد تەڭگەگە ٶسٸم قامتاماسىز ەتٸلدٸ», - دەدٸ مارات سۇلتانعازيەۆ.
