دانيياردىڭ جارتىلاي فينالدا العان جاراقاتى قازاق جانكٷيەرلەرٸنٸڭ مازاسىن قاشىردى. سوڭعى سەتكە دەيٸن اقىرعى ايقاسقا دەرٸگەرلەر رۇقسات بەرمەي قويا ما دەگەن كٷدٸك بولدى. فينالعا شىققانىڭ ٶزٸندە جاراقاتى قايتا سىر بەرە مە دەگەن قاۋٸپ بار ەدٸ. دانيياردىڭ ەكەسٸ ەرٸ باپكەرٸ مارات ەلەۋسٸنوۆ بۇل تۋرالى قازاقپارات تٸلشٸسٸنە بەرگەن سۇحباتىندا ايتىپ بەردٸ.
«بٷگٸن دانييار حالىقتىڭ ٷمٸتٸن اقتادى. سول ٷشٸن قاتتى قۋانىپ جاتىرمىز. مەن عانا ەمەس, بٷكٸل قازاق ەلٸ قۋانىپ جاتىر. دانييار مەنٸڭ عانا بالام ەمەس, ول بٷكٸل حالىقتىڭ بالاسى», - دەپ اتاپ ٶتتٸ مارات ەلەۋسٸنوۆ.
سونداي-اق, فينالداعى قارسىلاسى مەن جەكپە-جەك تۋرالى دا ٶز ويىن بٶلٸستٸ.
«ٶزدەرٸڭٸز بٸلەسٸزدەر! دانييار جارتىلاي فينالدا ٷلكەن جاراقات الدى. قاباعى تۋرا كٶزٸنٸڭ جانىنان تەرەڭ جىرتىلىپ كەتتٸ. جىرتىلعان جەرٸن بٸر ەمەس, ەكٸ رەت تٸكتٸردٸك. فينالدا ٶتە قيىن بولادى-اۋ, دەپ قورىققانىمىزدا جاسىرىن ەمەس. سەبەبٸ, قارسىلاسى ونىڭ جارالانعان جەرٸن كٶزدەپ سوققى جاسايتىنى انىق ەدٸ. سوسىن, بٸز دانييارعا قارسىلاسىن جاقسىلاپ زەرتتەپ, ٶزگەشە ايلا-تەسٸل جاساۋدى تاپسىردىق. تەك اياقپەن جۇمىس ٸستەپ, قارسىلاسىڭدى شەگٸنە جٷرٸپ سوققى جاسا, بٸردەن ٶزٸڭ العا ۇمتىلما دەگەن بولاتىنبىز. ول تاپسىرمانى ويداعىداي ورىندادى. ٶزٸنە كٶپ سوققى دارىتپادى. سونىڭ نەتيجەسٸندە جەڭٸسكە جەتتٸ», - دەيدٸ دانيياردىڭ ەكەسٸ.
ۇلت پورتالى
