قحا تٶراعاسىنىڭ ورىنباسارى - حاتشىلىق مەڭگەرۋشٸسٸ مارات ەزٸلحانوۆ پرەزيدەنت جولداۋىنداعى تٸلدٸك تۇتاستىق تۋرالى باستامالارىنا اسسامبلەيا قالاي ٷلەس قوساتىنىن ايتتى, دەپ حابارلايدى قازاقپارات.
«تەۋەلسٸزدٸك جىلدارىندا مەملەكەتتٸك تٸل بٸزدٸڭ مەملەكەتتٸگٸمٸزدٸڭ ارقاۋىنا, قازاقستاندىق بٸرەگەيلٸكتٸڭ ٸرگەتاسىنا, جالپىعا بٸردەي تانىلعان ازاماتتىق ماركەرگە اينالدى. بٸلٸم بەرۋ سالاسىنداعى جٷيەلٸ شارالار بۇل مٸندەتتٸ ەلٸمٸزدٸڭ جاس ازاماتتارىنىڭ ەربٸر جاڭا بۋىنى ٷشٸن قولايلى شەشۋگە ارنالعان. تٷرلٸ ەتنوستار ٶكٸلدەرٸ ٶز بالالارىن قازاق بالاباقشالارىنا, قازاق مەكتەپتەرٸ مەن جوو-دا وقىتۋى بٷگٸنگٸ تاڭدا جيٸ كەزدەسەدٸ. بٷگٸندە قازاقستاندا 5644 ۇيىم بالالاردى قازاق تٸلٸندە وقىتادى جەنە تەربيەلەيدٸ, 3798 قازاق مەكتەبٸ جۇمىس ٸستەيدٸ», - دەدٸ مارات ەزٸلحانوۆ قحا ۇيىمداستىرۋىمەن ٶتكەن دٶڭگەلەك ٷستەلدە.
ونىڭ ايتۋىنشا, قازاق تٸلٸن ٷيرەنۋ, ونىڭ قىزمەت ەتۋ اياسىن كەڭەيتۋ, كٷندەلٸكتٸ ٶمٸردە پايدالانۋ قازاق تٸلٸنە دەگەن دوستىق, سەنٸم مەن سٷيٸسپەنشٸلٸك جاعدايىندا ٶتۋٸ تيٸس.
«بارلىق باسقا ەدٸستەر, تەجٸريبە كٶرسەتكەندەي, بٸز كٶزدەگەن نەتيجەگە قول جەتكٸزبەيدٸ. لاتىن گرافيكاسىنا كٶشۋ, «رۋحاني جاڭعىرۋ» باعدارلاماسىن ٸسكە اسىرۋ مەملەكەتتٸك تٸلدٸ دامىتۋعا قۋاتتى سەرپٸن بەردٸ, قازاقستان ەدەبيەتٸنٸڭ تاڭداۋلى شىعارمالارى بۇۇ-نىڭ 6 تٸلٸنە اۋدارىلدى, تٷرلٸ بٸلٸم سالالارى بويىنشا ەلەمنٸڭ ٷزدٸك وقۋلىقتارى مەملەكەتتٸك تٸلگە اۋدارىلدى. بٷگٸنگٸ تاڭدا, تەۋەلسٸزدٸكتٸڭ 30 جىلدىعىندا, قازاق تٸلٸ ينتەگراتور-تٸلگە, ەل ٸشٸندەگٸ ەتنوسارالىق قارىم-قاتىناس تٸلٸنە اينالاتىن ۋاقىت كەلدٸ. بۇل پٸكٸردٸ, ەرينە, قازاقستاننىڭ بارلىق ازاماتتارى, سونىڭ ٸشٸندە تٷرلٸ ەتنوستار ٶكٸلدەرٸ دە قولدايدى», - دەدٸ قحا تٶراعاسىنىڭ ورىنباسارى.
