مەملەكەت باسشىسى قاسىم-جومارت توقاەۆ ٸشكٸ ٸستەر مينيسترٸ مارات احمەتجانوۆتى قابىلدادى, دەپ حابارلايدى "ۇلت اقپارات" اقورداعا سٸلتەمە جاساپ.
پرەزيدەنتكە ەلٸمٸزدەگٸ كريمينوگەندٸك جاعداي تۋرالى مەلٸمەت بەرٸلدٸ. ۆەدومستۆو باسشىسىنىڭ ايتۋىنشا, قىلمىستىق ٸستەر كٶرسەتكٸشٸ 7,6 پايىزعا تٶمەندەگەن. سونىڭ ٸشٸندە دەنساۋلىققا اۋىر زاقىم كەلتٸرۋ, قاراقشىلىق, توناۋ, مال ۇرلىعى, بۇزاقىلىق, الاياقتىق جەنە زورلاۋ دەرەكتەرٸ ايتارلىقتاي ازايعان.
مينيستر قاڭتار وقيعاسى كەزٸندە جاسالعان قىلمىستاردى تەرگەپ-تەكسەرۋ, كٸنەلٸلەردٸ انىقتاپ, جاۋاپقا تارتۋ, ۇرلانعان قارۋلاردى زاڭسىز اينالىمنان الۋ جۇمىستارى جٶنٸندە ەسەپ بەردٸ.
سونىمەن قاتار مەملەكەت باسشىسى قاۋٸپسٸزدٸك مەسەلەلەرٸن قوعاممەن سەرٸكتەستٸك ورناتۋ ارقىلى شەشۋگە نەگٸزدەلگەن پوليتسييانىڭ سەرۆيستٸك مودەلٸنٸڭ ەنگٸزٸلۋ بارىسىمەن تانىستى.
مارات احمەتجانوۆ پرەزيدەنتكە ٸشكٸ ٸستەر مينيسترلٸگٸنٸڭ قىزمەتٸن بيۋروكراتييادان ارىلتۋ, تسيفرلاندىرۋ جەنە جۇمىس ٷدەرٸسٸن اۆتوماتتاندىرۋ, ٸشكٸ رەسٸمدەردٸ وڭتايلاندىرۋ جٶنٸندە باياندادى.
بۇدان بٶلەك ول ٷدەرٸستەردٸ جەدەل باسقارۋ ٷشٸن Big Data تالداۋ قۇرالدارىن پايدالانا وتىرىپ, كريمينوگەندٸك جاعدايدى مونيتورينگتەۋ ٷشٸن ٸٸم-نٸڭ احۋالدىق ساراپتاما ورتالىعىنىڭ قۇرىلعانى جٶنٸندە باياندادى.
قاسىم-جومارت توقاەۆقا جول جٷرۋ ەرەجەلەرٸن قاساقانا بۇزعانداردى انىقتاۋعا باعىتتالعان «قورعاۋ» دەپ اتالاتىن جاڭا باعدارلاما تانىستىرىلدى. مينيستر مەملەكەت باسشىسىنا نۇر-سۇلتان, الماتى جەنە شىمكەنت قالالارىندا باعدارلامانى قولدانۋ ارقىلى جٷرگٸزٸلگەن جۇمىستاردىڭ نەتيجەلەرٸ تۋرالى ايتتى.
سونداي-اق پرەزيدەنتكە قاۋٸپسٸزدٸك مەسەلەلەرٸن ازاماتتىق قوعاممەن سەرٸكتەستٸك ورناتۋ ارقىلى قامتاماسىز ەتۋ تۇجىرىمداماسىنىڭ جوباسى ەزٸرلەنٸپ جاتقانى جٶنٸندە مەلٸمەت بەرٸلدٸ.
كەزدەسۋ قورىتىندىسى بويىنشا پرەزيدەنت پوليتسييانىڭ سەرۆيستٸك مودەلٸن ودان ەرٸ ەنگٸزۋ, ەلٸمٸزدە ازاماتتاردىڭ قاۋٸپسٸزدٸگٸ مەن قۇقىقتىق تەرتٸپتٸ قامتاماسىز ەتۋ جٶنٸندە بٸرقاتار ناقتى تاپسىرما بەردٸ.
وسى رەتتە مەملەكەت باسشىسى جول قاۋٸپسٸزدٸگٸن قامتاماسىز ەتۋ سالاسىنداعى جاۋاپكەرشٸلٸكتٸ قاتاڭداتۋ قاجەت ەكەنٸن ەرەكشە اتاپ ٶتتٸ.
