فوتو: kaz.tengrinews.kz
جەدەل باسقارۋ ورتالىقتارىنا مەكتەپتەگٸ بەينەكامەرلاردىڭ تەك 62 پايىزى قوسىلعان. بۇل تۋرالى ٷكٸمەت وتىرىسىندا ٸشكٸ ٸستەر مينيسترٸ مارات احمەتجانوۆ ايتتى, دەپ حابارلايدى قازاقپارات.
«تٶتەنشە جاعدايلار مينيسترلٸگٸمەن بٸرلەسٸپ, بٸلٸم بەرۋ ۇيىمدارىندا كەشەندٸ تەكسەرٸس جٷرگٸزٸپ جاتىرمىز. تەكسەرٸستٸ مەكتەپتەردەن باستادىق, ٶيتكەنٸ بارلىق مەكەمەلەردٸڭ 60 پايىزى – مەكتەپتەر. بٷگٸنگٸ كٷنٸ ٸرٸ قالالاردا ولاردىڭ كٶپشٸلٸگٸ دابىل تٷيمەلەرٸمەن, تۋرنيكەتتەرمەن جەنە بەينەباقىلاۋ كامەرالارىمەن جابدىقتالعان. دەگەنمەن, جەدەل باسقارۋ ورتالىقتارىنا بەينەكامەرانىڭ تەك 62 پايىزى عانا شىعارىلعان. كەيبٸر وبلىستاردا جاعداي ودان دا ناشار. مىسالى, باتىس قازاقستان وبلىسىندا – 24; الماتى وبلىسىندا – 35, اقتٶبە وبلىسىندا – 41 پايىز عانا. بۇل ٶڭٸرلەردە حالىقپەن كەزدەسۋ بارىسىندا جالپى وسى مەسەلەنٸ ەكٸمدٸكتەر الدىندا كٶتەردٸم. بۇل مەسەلەدە جٷيەلٸك پروبلەما دا بار», - دەدٸ مينيستر.
ونىڭ اتاپ ٶتۋٸنشە, بٸرقاتار بٸلٸم بەرۋ ۇيىمدارى مەن بايلانىس كانالدارى كومپانييالارى اراسىندا تٸپتٸ كەلٸسٸمشارت جاسالماعان. مەملەكەتتٸك ساتىپ الۋ پروتسەدۋرالارى «قاعاز باستىلىققا» سالىنۋدا. نەتيجەسٸندە, بەينەباقىلاۋ جٷيەلەرٸ جەدەل باسقارۋ ورتالىقتارىنا قولجەتٸمسٸز.
«مىسالى, پەتروپاۆل قالاسىندا 15 مەكتەپتە تيٸستٸ شارتتار تەك اقپاننىڭ سوڭىندا عانا جاسالعان. ونىڭ ٸشٸندە جۋىردا تٶتەنشە جاعداي ورىن العان №4 مەكتەپ تە بار. سولتٷستٸك قازاقستان وبلىسىندا 201 مەكتەپ بويىنشا مەملەكەتتٸك ساتىپ الۋ مەسەلەسٸ ەلٸ كٷنگە دەيٸن اياقتالماعان. ماڭعىستاۋدا – 154. اقتٶبەدە – 107. اباي وبلىسىندا – 19. زاڭناماعا سەيكەس مەملەكەتتٸك ساتىپ الۋ قورىتىندىسى شىققانعا دەيٸن, كٷزەت پەن دابىل جەنە باسقا دا قاۋٸپسٸزدٸك جٷيەلەرٸمەن قامتاماسىز ەتۋ مەسەلەسٸ بويىنشا 2 ايعا دەيٸن «بٸر كٶزدەن» كەلٸسٸمشارت جاساۋعا مٷمكٸندٸك بار. بٸراق, ەشكٸم بۇل نورمانى قولدانبايدى», - دەدٸ ول.
