Foto: kaz.tengrinews.kz
Jedel basqarý ortalyqtaryna mekteptegi beinekamerlardyń tek 62 paiyzy qosylǵan. Bul týraly Úkimet otyrysynda Ishki ister ministri Marat Ahmetjanov aitty, dep habarlaidy QazAqparat.
«Tótenshe jaǵdailar ministrligimen birlesip, bilim berý uiymdarynda keshendi tekseris júrgizip jatyrmyz. Tekseristi mektepterden bastadyq, óitkeni barlyq mekemelerdiń 60 paiyzy – mektepter. Búgingi kúni iri qalalarda olardyń kópshiligi dabyl túimelerimen, týrnikettermen jáne beinebaqylaý kameralarymen jabdyqtalǵan. Degenmen, Jedel basqarý ortalyqtaryna beinekameranyń tek 62 paiyzy ǵana shyǵarylǵan. Keibir oblystarda jaǵdai odan da nashar. Mysaly, Batys Qazaqstan oblysynda – 24; Almaty oblysynda – 35, Aqtóbe oblysynda – 41 paiyz ǵana. Bul óńirlerde halyqpen kezdesý barysynda jalpy osy máseleni ákimdikter aldynda kóterdim. Bul máselede júielik problema da bar», - dedi ministr.
Onyń atap ótýinshe, birqatar bilim berý uiymdary men bailanys kanaldary kompaniialary arasynda tipti kelisimshart jasalmaǵan. Memlekettik satyp alý protsedýralary «qaǵaz bastylyqqa» salynýda. Nátijesinde, beinebaqylaý júieleri Jedel basqarý ortalyqtaryna qoljetimsiz.
«Mysaly, Petropavl qalasynda 15 mektepte tiisti sharttar tek aqpannyń sońynda ǵana jasalǵan. Onyń ishinde jýyrda tótenshe jaǵdai oryn alǵan №4 mektep te bar. Soltústik Qazaqstan oblysynda 201 mektep boiynsha memlekettik satyp alý máselesi áli kúnge deiin aiaqtalmaǵan. Mańǵystaýda – 154. Aqtóbede – 107. Abai oblysynda – 19. Zańnamaǵa sáikes memlekettik satyp alý qorytyndysy shyqqanǵa deiin, kúzet pen dabyl jáne basqa da qaýipsizdik júielerimen qamtamasyz etý máselesi boiynsha 2 aiǵa deiin «bir kózden» kelisimshart jasaýǵa múmkindik bar. Biraq, eshkim bul normany qoldanbaidy», - dedi ol.
