تۋريزم جەنە سپورت مينيسترٸنٸڭ ورىنباسارى سەرٸك جاراسباەۆ وڭتٷستٸك افريكا رەسپۋبليكاسىنىڭ كەيپتاۋن قالاسىندا ٶتكەن حالىقارالىق مارافونعا قاتىسىپ, ٷزدٸك وندىققا ەنگەن 81 جاستاعى مارافون شەبەرٸ سالتانات تٷيتەباەۆقا «ەڭبەك ارداگەرٸ» تٶسبەلگٸسٸن تابىستادى, دەپ حابارلايدى ult.kz.
سالتانات تٷيتەباەۆ 45 جىلدىق ەڭبەك جولىن بٸلٸم بەرۋ سالاسىنا ارناپ, حالىقارالىق ارەنادا قازاقستاننىڭ ابىرويىن اسقاقتاتىپ جٷرگەن ارداگەر مارافون شەبەرٸ. كەزدەسۋ بارىسىندا ونىڭ قاجىرلى ەڭبەگٸ مەن سپورتقا دەگەن ادالدىعى ٶسكەلەڭ ۇرپاققا ٷلگٸ ەكەنٸ اتاپ ٶتٸلدٸ.
«سەكسەننٸڭ سەڭگٸرٸنە سەرگەك جەتٸپ, ۇزاق قاشىقتىقتاعى مارافوندى باعىندىرۋىڭىز – ٷلگٸ تۇتارلىق جەتٸستٸك ەرٸ ەلٸمٸز ٷشٸن زور قۋانىش. سەبەبٸ سالاماتتى ٶمٸر سالتىن قالىپتاستىرۋعا باعىتتالعان مەملەكەتتٸك ساياساتتىڭ جارقىن كٶرٸنٸسٸ سٸزدٸڭ بولمىسىڭىزدان ايقىن بايقالادى. بۇعان دەيٸن دە بٸرنەشە مەرتە جٷلدەلٸ ورىنداردان كٶرٸنٸپ كەلەسٸز. وسى ارقىلى تاباندىلىق پەن قاجىرلى ەڭبەكتٸڭ ناقتى ٷلگٸسٸن كٶرسەتٸپ, كٶپشٸلٸككە ٶنەگە بولدىڭىز», – دەدٸ سەرٸك جاراسباەۆ.
جەڭٸل اتلەتيكادان حالىقارالىق دەرەجەدەگٸ سپورت شەبەرٸ سالتانات تٷيتەباەۆ 1945 جىلى جامبىل وبلىسى مويىنقۇم اۋدانىندا دٷنيەگە كەلگەن. ەڭبەك جولىن ۇستازدىقتان باستاپ, مەكتەپ ديرەكتورى, بٸلٸم بٶلٸمٸنٸڭ ينسپەكتورى جەنە كەسٸپتٸك-تەحنيكالىق ۋچيليششە باسشىسى قىزمەتتەرٸن اتقارعان.
ارداگەر سپورتشى كەيٸنگٸ جىلدارى حالىقارالىق مارافونداردا جوعارى نەتيجە كٶرسەتٸپ كەلەدٸ. ول سينگاپۋر, دۋباي, دوحا, انتالييا, مالاگا جەنە امستەردام قالالارىندا ٶتكەن حالىقارالىق جارىستاردىڭ جەڭٸمپازى اتانعان.
2016 جىلى اۋسترالييانىڭ پەرت قالاسىندا ٶتكەن ەلەم چەمپيوناتىندا 70+ ساناتىندا كٷمٸس جٷلدە يەلەنسە, 2017 جىلى جاڭا زەلاندييانىڭ وكلەند قالاسىندا ٶتكەن ارداگەرلەر وليمپياداسىندا چەمپيون اتاندى. سونداي-اق 2021 جىلى نيۋ-يورك مارافونىندا 75+ جاس ساناتىندا ەكٸنشٸ ورىن الدى.
