ماڭعىستاۋ وبلىسىندا ٶنەركەسٸپتٸك قالدىقتاردى قايتا ٶڭدەۋمەن اينالىساتىن «ەكوتەررا» جشس ايىپپۇل مەسەلەسٸ بويىنشا جوعارعى سوتقا جٷگٸندٸ.
اتالعان كومپانييا ٶكٸلدەرٸنٸڭ مەلٸمەتٸنشە, ەكولوگييالىق تەكسەرۋ قورىتىندىسى بويىنشا كەسٸپورىنعا ەشقانداي نەگٸزسٸز 4,1 ملرد تەڭگە سوماسىندا ايىپپۇل سالىنعان, دەپ حابارلايدى "ۇلت اقپارات".
«ٶتكەن جىلى ماڭعىستاۋ وبلىسى ەكولوگييا دەپارتامەنتٸ بٸزدٸڭ كەسٸپورىندا تەكسەرۋ جٷرگٸزٸپ, ونىڭ قورىتىندىسى بويىنشا ايىپپۇل سالىندى. بٸر قاراعاندا, بۇل كەزەكتٸ تەكسەرۋ سەكٸلدٸ. بٸراق تا بۇل مەسەلە بۇدان بۇرىن باستالعان بولاتىن. وسىعان دەيٸن مۇنداي تەكسەرٸس جٷرگٸزٸلگەن ەدٸ, سول كەزدە ەكولوگييا دەپارتامەنتٸ بارلىق تٶلەمدەر مەن ايىپپۇلداردى ەسەپتەپ بەردٸ. ٶز كەزەگٸمٸزدە سوتقا جٷگٸنٸپ, جەرگٸلٸكتٸ ماڭعىستاۋلىق سوت بٸزدٸڭ ۇستانىمنىڭ دۇرىستىعىن بەكٸتتٸ. سوتتاردا بٸز ٶزٸمٸزدٸڭ قۇقىعىمىزدى قورعاپ شىقتىق», - دەدٸ اتالعان كومپانييانىڭ زاڭگەرٸ يگور توششانوۆ.
تاراتىلعان مەلٸمەتكە قاراعاندا, 2015 جىلى وسى تەكتەس تالقىلاۋ بارىسىندا قر جوعارعى سوتى «ەكوتەررا» پايداسىنا شەشٸمٸن شىعاردى. ونىڭ نەگٸزٸندە «ەكوتەررا» جشس ٶندٸرٸس قالدىقتارىن قايتا ٶڭدەۋ كەزٸندە قالدىقتاردى ٶڭدەۋدٸڭ ٷزدٸكسٸز ٶندٸرٸستٸك تسيكلىندا قالدىقتاردى ۋاقىتشا ساقتاۋدى قامتاماسىز ەتەدٸ. بۇل ٷشٸن قورشاعان ورتاعا ەميسسييالارعا رۇقسات الۋ تالاپ ەتٸلمەيدٸ. سەيكەسٸنشە, قورشاعان ورتاعا ەميسسييالار ٷشٸن تٶلەم جاساماۋى تيٸس.
قر ەكولوگييالىق زاڭناماسى قالدىقتاردىڭ پايدا بولۋىن ازايتۋعا باعىتتالعان جەنە ولاردى قايتا ٶڭدەۋدٸ ىنتالاندىرادى. وسىعان بايلانىستى كەسٸپورىننىڭ قالدىقتارىن جايعاستىرۋ ٷشٸن الىناتىن ەكولوگييالىق تٶلەمدەر ەسەبٸنەن قالدىقتار قايتا ٶڭدەلۋٸ تيٸس. ياعني, كەسٸپورىن قالدىقتاردى ٶڭدەيتٸن بولسا, ول قورشاعان ورتاعا ەميسسييالار ٷشٸن تٶلەمدەردەن بوساتىلادى, سەبەبٸ ول قالدىقتاردى قورشاعان ورتاعا تاستامايدى, كەرٸسٸنشە ٶندٸرٸستە ەكٸنشٸ رەت پايدالانادى.
«جوعارعى سوتتىڭ زاڭدى شەشٸمٸ بار. الايدا 2018 جىلى بٸزدٸ قايتادان قالدىقتاردى ورنالاستىرعانى ٷشٸن جاۋاپقا تارتىپ, ايىپپۇلداردى ەسەپتەدٸ. بٸز سوتقا بارىپ, وسىعان دەيٸن بٸزدٸڭ پايدامىزعا تيٸستٸ شەشٸم جاسالعانىن كٶرسەتتٸك. الايدا ونى ەشكٸم دە نازارعا المادى. بٸزدٸ كٸنەلٸ ساناپ, ەميسسييا ٷشٸن تٶلەم جاساۋدى مٸندەتتەپ وتىر», - دەدٸ زاڭگەر.
قازٸرگٸ ۋاقىتتا «ەكوتەررا» جشس وبلىستىڭ بٸرٸنشٸ جەنە اپەللياتسييالىق ينستانتسييالارداعى سوتىنىڭ شەشٸمٸ نەگٸزٸندە ەكٸمشٸلٸك جاۋاپقا تارتىلۋدا. وعان قوسا, تەكسەرۋ اكتٸسٸ نەگٸزٸندە وبلىستىڭ مەملەكەتتٸك كٸرٸستەر ورگاندارىنان «ەكوتەررا» جشس-گە جالپى سوماسى 4,1 ملرد تەڭگەگە قورشاعان ورتاعا ەميسسييالار ٷشٸن اقى سوماسىن ٶندٸرٸپ الۋ تۋرالى 4 حابارلاما جٸبەرٸلدٸ.
ٶز كەزەگٸندە كومپانييا باسشىلىعى ايتىلعان نارازىلىقتارمەن كەلٸسپەيتٸندٸگٸن جارييالادى. قازٸرگٸ ۋاقىتتا «ەكوتەررا» جشس-ٸن ەكٸمشٸلٸك جاۋاپقا تارتۋ جٶنٸندەگٸ ماڭعىستاۋ وبلىسى سوتىنىڭ شەشٸمٸنە قاتىستى قر جوعارعى سوتىنا شاعىم جاسالدى.
كومپانييانىڭ تەڭ قۇرىلتايشىسى گٷلجيحان جاقاەۆانىڭ اتاپ ٶتۋٸنشە, بٷگٸندە كومپانييا 4 ملرد تەڭگە ايىپپۇلدى تٶلەۋگە قاۋقارسىز, وسىنىڭ سالدارى ٶندٸرٸستٸ بانكروتقا الىپ كەلۋٸ مٷمكٸن.
«كٷيەۋٸم ەكەۋٸمٸز كومپانييانى ٶزٸمٸز قۇردىق. بٸزدٸڭ كەسٸپورىندا قالدىقتاردى تولىقتاي قايتا ٶڭدەيتٸن مٷمكٸندٸكتەر بار. قازٸرگٸ كەزدە كومپانييادا 200 ادام قىزمەت ەتۋدە, ولارعا 150-300 مىڭ تەڭگە سوماسىندا ەڭبەكاقى تٶلەنٸپ كەلەدٸ. ولاردىڭ بارلىعىندا وتباسىلارى, العان نەسيلەرٸ بار», - دەدٸ گ. جاقاەۆا.
ايتا كەتەيٸك, تەكسەرۋلەر قورىتىندىسى بويىنشا «ەكوتەررا» جشس 2016 جىلدىڭ قاراشا, جەلتوقسان ايلارى جەنە 2017 جىلى قورشاعان ورتاعا ەميسسييالارعا رۇقسات بەرۋدە بەلگٸلەنگەن نورماتيۆتەردەن قالدىقتاردى اسىرا قايتا ٶڭدەپ, سوعان سەيكەس جايعاستىرعانى انىقتالدى.
