قازاقستان پرەزيدەنتٸ قاسىم-جومارت توقاەۆ گاز سالاسىن دامىتۋ جٶنٸندەگٸ كەڭەستە ماڭعىستاۋدا گاز ٶڭدەيتٸن جاڭا زاۋىتتى 2023 جىلدان كەشٸكپەي پايدالانۋعا بەرۋدٸ تاپسىردى, دەپ حابارلايدى "ۇلت اقپارات".
قاسىم-جومارت توقاەۆتىڭ ايتۋىنشا, سوڭعى ٷش جىلدا ەلٸمٸزدە سۇيىتىلعان مۇناي گازىن تۇتىنۋ دەڭگەيٸ ەكٸ ەسەدەن استام ٶسكەن.
«تەك ماڭعىستاۋ وبلىسىندا اۆتوكٶلٸكتەردٸڭ 90 پايىزدان استامىندا سۇيىتىلعان گاز پايدالانىلادى. ٶڭٸردٸڭ نەگٸزگٸ گاز جەتكٸزۋشٸسٸ - قازاق گاز ٶڭدەۋ زاۋىتى. ونىڭ نەگٸزگٸ قۇرال-جابدىقتارىنىڭ 90 پايىزى توزعان. زاۋىتتىڭ اپاتتىق جاعدايلارعا بايلانىستى توقتاپ قالۋى حالىقتى گازسىز قالدىرۋى مٷمكٸن. وسى رەتتە قازاق گاز ٶڭدەۋ زاۋىتىنىڭ بازاسىندا سالىناتىن جاڭا گاز ٶڭدەۋ زاۋىتىنىڭ قۇرىلىسىن كەشٸكتٸرۋ ەكونوميكالىق تۇرعىدان عانا ەمەس, سونداي-اق, ەلەۋمەتتٸك جاعىنان دا قاۋٸپ تۋعىزادى. ٷكٸمەتكە «سامۇرىق-قازىنا» قورىمەن بٸرلەسٸپ, اتالعان باعىتتاعى جۇمىستى جانداندىرۋدى تاپسىرامىن. جاڭا زاۋىت 2023 جىلدان كەشٸكپەي پايدالانۋعا بەرٸلۋٸ تيٸس», – دەدٸ مەملەكەت باسشىسى.
