ماڭعىستاۋ اتوم-ەنەرگەتيكالىق كومبيناتىنىڭ بن-350 رەاكتورلىق قوندىرعىسىن پايدالانۋدان شىعارۋ جوباسى ەزٸرلەندٸ. بۇل جايىندا سەنات دەپۋتاتتارىنىڭ ساۋالىنا قر پرەمەر-مينيسترٸ ەليحان سمايىلوۆتىڭ جاۋابىندا ايتىلعان, دەپ حابارلايدى قازاقپارات.
«بٷگٸنگٸ كٷنٸ بن-350 رەاكتورلىق قوندىرعىسىنىڭ پايدالانىلعان يادرولىق وتىنى 60 مەتالل بەتون كونتەينەرگە سالىنىپ, بۇرىنعى سەمەي يادرولىق سىناق پوليگونىنىڭ اۋماعىندا ۇزاق مەرزٸمدٸ ساقتاۋعا ورنالاستىرىلدى. 2011 جىلدان بەرٸ پايدالانىلعان يادرولىق وتىندى قورعاۋ, يادرولىق جەنە رادياتسييالىق قاۋٸپسٸزدٸكتٸ قامتاماسىز ەتۋ جٶنٸندەگٸ جۇمىستار رەسپۋبليكالىق بيۋدجەت ەسەبٸنەن قارجىلاندىرىلادى. بۇل رەتتە بن-350 رەاكتورلىق قوندىرعىسىنىڭ عيماراتتارى مەن قۇرىلىستارىن قاۋٸپسٸز ساقتاۋ ماقساتىندا «بن-350 رەاكتورلىق قوندىرعىسىن پايدالانۋدان شىعارۋ جوباسى» تەحنيكالىق-ەكونوميكالىق نەگٸزدەمەسٸ ەزٸرلەندٸ. وسى نەگٸزدەمەگە سەيكەس 114,8 ملرد تەڭگە (2022-2032 جىلدارداعى باعا) مٶلشەرٸندە قارجىلاندىرۋ كٶزدەلگەن, ونىڭ ٸشٸندە قۇرىلىس-مونتاجداۋ جۇمىستارى – 36 077,6 ملن تەڭگە, جابدىقتار – 48 583,3 ملن تەڭگە, باسقالارى – 30 118,6 ملن تەڭگە», - دەلٸنگەن ٷكٸمەت باسشىسىنىڭ جاۋابىندا.
ونىڭ اتاپ ٶتۋٸنشە, كەلەسٸ كەزەڭ رەاكتور قوندىرعىسىنىڭ بٸرٸنشٸ كونتۋرىنداعى سۇيىق مەتالل ناترييدٸ جەنە سۇيىق راديواكتيۆتٸ قالدىقتاردى ٶڭدەۋدٸڭ تيٸمدٸ جەنە وڭتايلى ەدٸستەرٸ مەن تەحنولوگييالارىن تاڭداۋ بولىپ تابىلادى. قازٸرگٸ ۋاقىتتا ەنەرگەتيكا مينيسترلٸگٸ اتوم ەنەرگيياسى جٶنٸندەگٸ حالىقارالىق اگەنتتٸكپەن بٸرلەسٸپ, جىلدام نەيتروندى رەاكتورلاردى پايدالانۋدان شىعارۋ كەزٸندە تۋىندايتىن پروبلەمالار جەنە ولاردى شەشۋ جولدارى بويىنشا كونسۋلتاتسييالار جٷرگٸزۋدە.
«حالىقارالىق ساراپشىلاردىڭ پٸكٸرٸن ەسكەرە وتىرىپ, تەحنولوگييانى تاڭداۋ قورىتىندىلارى بويىنشا زاڭنامادا بەلگٸلەنگەن تەرتٸپپەن بن-350 رەاكتورلىق قوندىرعىسىن ۇزاق مەرزٸمدٸ قاۋٸپسٸز ساقتاۋ جاعدايىنا كەلتٸرۋ جٶنٸندەگٸ جۇمىستار جٷرگٸزٸلەتٸن بولادى. ناقتى جوبالار بويىنشا جۇمىستاردىڭ تٷپكٸلٸكتٸ قۇنى جوبالاۋ-سمەتالىق قۇجاتتامانى ەزٸرلەۋ نەتيجەلەرٸ بويىنشا ايقىندالاتىن بولادى», - دەپ اتاپ ٶتەدٸ ەليحان سمايىلوۆ.
