ماڭعىستاۋ وبلىسىندا جاڭا گاز ٶڭدەۋ زاۋىتى سالىنادى. بۇل تۋرالى قر ەنەرگەتيكا مينيسترٸ بولات اقشولاقوۆ ايتتى, دەپ حابارلايدى قازاقپارات.
«مەملەكەت باسشىسىنىڭ تاپسىرماسىنا سەيكەس وسى جىلعى 5 قاڭتاردان باستاپ ەلدەگٸ ەلەۋمەتتٸك-ەكونوميكالىق جاعدايدى تۇراقتاندىرۋ ٷشٸن سۇيىتىلعان گاز نارىعى بويىنشا مىناداي شۇعىل ٸس-شارالار قابىلداندى. ٶڭٸردٸڭ قاشىقتىعىنا بايلانىستى سۇيىتىلعان مۇناي گازىنىڭ بٶلشەك ساۋدا باعاسى ليترٸنە 50-دەن 75 تەڭگەگە دەيٸنگٸ دەلٸزدە بەلگٸلەندٸ. سۇيىتىلعان مۇناي گازىنىڭ شەكتٸ كٶتەرمە باعاسى 38,7-دەن 28 مىڭ تەڭگەگە دەيٸن تٶمەندەتٸلدٸ. 2023 جىلعى 1 قاڭتارعا دەيٸن ساۋدا-ساتتىق قاعيدالارى توقتاتىلا تۇرادى. وعان سەيكەس ەنەرگەتيكا مينيسترلٸگٸ سۇيىتىلعان گازدى ەلەكتروندىق ساۋدا-ساتتىقتان تىس ساتاتىن بولادى. ٶنٸمدٸ بەرۋ جوسپارىن قالىپتاستىرۋ قاعيدالارىنا تٷزەتۋلەر ەنگٸزۋ جٶنٸندەگٸ بۇيرىق بەكٸتٸلدٸ. وعان سەيكەس رەسپۋبليكا اۋماعىندا كٶتەرمە جەنە بٶلشەك ساۋدادا ٶتكٸزۋ قۇقىعى بار سۋبەكتٸلەردٸڭ تٸزبەسٸ كەڭەيتٸلدٸ», - دەدٸ ول مينيسترلٸكتٸڭ كەڭەيتٸلگەن القا وتىرىسىندا.
سونىمەن قاتار ول سۇيىتىلعان مۇناي گاز نارىعىنداعى جاعدايدى تۇراقتاندىرۋ جٶنٸندەگٸ قوسىمشا ٸس-شارالاردى دا اتادى
«قوسىمشا ٸس-شارالار رەتٸندە, ونىڭ ٸشٸندە ۇزاق مەرزٸمدٸ باعا تۇراقتىلىعىن قامتاماسىز ەتە وتىرىپ, باعالاردىڭ الىپساتارلىق اۋىتقۋىنا جول بەرمەي ٷشٸن مىناداي ٸس-شارالار پىسىقتالۋدا. بٸرٸنشٸدەن - ٶندٸرۋشٸ زاۋىتتاردىڭ سۇيىتىلعان گازعا شەكتٸ كٶتەرمە باعالاردى بەلگٸلەنگەن بٶلشەك ساۋدا باعالارىنا سٷيەنە وتىرىپ انىقتاۋ ەدٸستەمەسٸن ەزٸرلەۋ. بۇل تٷسٸمدٸ زاۋىتتار مەن ساتۋشىلار اراسىندا ەدٸل بٶلۋگە مٷمكٸندٸك بەرەدٸ. ەكٸنشٸدەن, جۇمىس ٸستەپ تۇرعان قازاق گاز ٶڭدەۋ زاۋىتىنىڭ ورنىنا ماڭعىستاۋ وبلىسىندا جاڭا گاز ٶڭدەۋ زاۋىتىن جوبالاۋعا جەنە سالۋعا EPC-كەلٸسٸمشارت جاساسۋ جوسپارلانۋدا. جوبانىڭ الدىن الا قۇنى 167,7 ملرد تەڭگەنٸ قۇرايدى», - دەدٸ بولات اقشولاقوۆ.
