ماڭعىستاۋ وبلىسىنداعى ەلدٸ-مەكەندەردە تۇرمىستىق قاتتى قالدىقتاردى سالاتىن كونتەينەرلەر 30% قامتىلعان. ال قوقىستاردى جيناۋ جەنە تاسۋ جٶنٸندەگٸ قىزمەتٸمەن 100% قامتۋ ٷشٸن, 2020 جىلعا دەيٸن كونتەينەرلەردٸ كٶبەيتۋ كٶزدەلگەن. بۇل تۋرالى ماڭعىستاۋ وبلىسىنىڭ تابيعي رەسۋرستار جەنە تابيعات پايدالانۋدى رەتتەۋ باسقارماسى باستىعىنىڭ ۋاقىتشا مٸندەتٸن اتقارۋشى ەسەنقوس ەدٸلباەۆ مەلٸمدەدٸ.
بٷگٸنگٸ كٷنٸ بارلىق قالالار, اۋدان ورتالىقتارى جەنە جەتٸباي اۋىلىنىڭ تۇرمىستىق قالدىقتارعا ارنالعان ارنايى پوليگوندار ازدىق ەتۋدە. ٶتكەن جىلى وبلىستىڭ ٸرٸ ەلدٸ-مەكەندەرٸنٸڭ ەكولوگييالىق جاعدايىن جاقسارتۋ ماقساتىندا مانعىستاۋ اۋدانىنىڭ شايىر, تۇششىقۇدىق, جىڭعىلدى اۋىلدارىنىڭ, قاراقييا اۋدانىنىڭ بولاشاق, مۇنايشى اۋىلدارىنىڭ, بەينەۋ اۋدانىنىڭ بەينەۋ اۋىلىنىڭ جەنە تٷپقارعان اۋدانى قىزىلٶزەن اۋىلدارىنىڭ تۇرمىستىق قاتتى قالدىقتارىن كٶمۋ پوليگوندارى قۇرىلىسىنىڭ تەحنيكالىق-ەكونوميكالىق نەگٸزدەمەلەرٸ جاساقتالعان.
قازٸر اقشۇقىر, تاۋشىق جەنە اقجٸگٸت اۋىلدارىنىڭ تۇرمىستىق قاتتى قالدىقتارىن كٶمۋ پوليگونى قۇرىلىسىنىڭ جوبالىق سمەتالىق قۇجاتتارى دايىن. مۇنايلى اۋدانى باسقۇدىق اۋلىنداعى ەسكٸ تۇرمىستىق قاتتى قالدىقتاردى كٶمەتٸن پوليگوندى رەكۋلتيۆاتسييالاۋ جٶنٸندەگٸ مەسەلەسٸ قاراستىرىلۋدا. پوليگوندى رەكۋلتيۆاتسييالاۋ قۇنى 1017,0 مىڭ. تەڭگە.
الداعى ۋاقىتتا, اقتاۋ قالاسىندا تۇرمىستىق قاتتى قالدىقتى ٶڭدەيتٸن زاۋىتتىڭ قۇرىلىسى باستالماق. مەسەلەن, جاڭاٶزەن قالاسىنداعى قوقىس ٶڭدەيتٸن زاۋىت ٶز جۇمىسىن 2014 جىلدىڭ قىركٷيەك ايىندا باستادى. قۋاتتىلىعى – جىلىنا 50 000 توننا. زاۋىت 2015 جىلى 6535 توننا, 2016 جىلى 3444 توننا تۇرمىستىق قاتتى قالدىقتاردى سۇرىپتادى جەنە كەدەگە جاراتتى. قازٸرگٸ ۋاقىتتا زاۋىت كەيبٸر كەسپە, تروتۋار پليتكالار, چەرەپيتسا جەنە ت.ب. سيياقتى پوليمەرلٸك بۇيىمداردىڭ تٷرلەرٸن شىعارادى.
اقتاۋ قالاسىنان قوقىستى قايتا ٶڭدەۋ بويىنشا زاۋىت جەنە اۋدان ورتالىقتارىندا قوقىس سۇرىپتاۋشى تسەحتار سالىنۋ جوسپاردا بار. بۇل جوبانى جٷزەگە اسىرۋ ٷشٸن, بيلٸكتەگٸلەر ينۆەستور ٸزدەۋدە.
سونىمەن قاتار, جىل سايىن وبلىس ەكٸمدٸگٸنٸڭ قاۋلىسىمەن ەلدٸ مەكەندەردٸڭ اۋماقتارىن سانيتارلىق تازالاۋ, اباتتاندىرۋ جەنە كٶگالداندىرۋ بويىنشا ٸس-شارالار جٷرگٸزٸلۋدە.
"بيىل ەلدٸ-مەكەندەر اۋماقتارىن سانيتارلىق-گيگيەنالىق جەنە ەكلوگييالىق جاي-كٷيٸن جاقسارتۋ ماقساتىندا, كٶگالداندىرۋ, اباتتاندىرۋ جەنە سانيتارلىق تازارتۋ ٸس-شارالارىن ٶتكٸزۋ تۋرالى ەكٸمدٸكتٸڭ № 39 قاۋلىسى قابىلداندى. تازارتۋ شارالارىنا 10333 ادام قاتىسىپ, 186 تەحنيكا جۇمىلدىرىلىپ, 4046,5 توننا قوقىس ارنايى پوليگوندارعا تاسىپ شىعارىلدى جەنە 495,5 گا اۋماق تازارتىلدى, سونىمەن بٸرگە 5594 اعاش, 1028 بۇتا, 22 م2 گٷلزار وتىرعىزىلدى", - دەيدٸ ەسەنقوس ەدٸلباەۆ.
سونداي-اق, 2015 جىلى ايماقتار اراسىندا العاش رەت استانا قالاسىنان كەيٸن اقتاۋدا جەرگٸلٸكتٸ بيۋدجەت ەسەبٸنەن ەنەرگوٷنەمدەۋشٸ سىناپقۇرامدى شامدار جيناۋ مەن جويۋ بويىنشا جوبا ەنگٸزٸلٸپ, سىناپقۇرامدى شامدار مەن قۇرىلعىلاردى جيناۋعا ارنالعان ارنايى 27 كونتەينەر ورناتىلعان.
سىناپقۇرامدى شامداردى جيناۋ مەن قولدانۋ قاۋٸپسٸزدٸگٸ تۋرالى تۇرعىندار اراسىندا ٷگٸت-نەسيحات جۇمىستارى جٷرگٸزٸلٸپ كەلەدٸ. وسىلايشا, اقتاۋ قالاسىندا سىناپقۇرامدى شامداردى جيناۋدان باستاپ جويۋعا دەيٸن بٸر كلاستەر قۇرىلدى.
2016 جىلى 121 935 دانا, 2017 جىلدىڭ I جارتىجىلدىعىندا 39 339 دانا سىناپقۇرامدى شامدار كەدەگە جاراتىلدى. اقتاۋ قالاسىنداعى سىنابى بار شامدار مەن اسپاپتاردى جيناۋ, تاسىمالداۋ جەنە دەمەركۋريزاتسييالاۋ, ارنايى كونتەينەرلەردٸ ۇستاۋ جۇمىستارى ودان ەرٸ جالعاسۋدا.
ماڭعىستاۋ وبلىسى بويىنشا 2020 جىلعا دەيٸن قالدىقتارمەن جۇمىس ٸستەۋ سالاسىنداعى ارنايى كەسٸپورىندارمەن ٶزارا ەرەكەتتەسۋ, تۇرمىستىق قاتتى قالدىقتاردى بٶلەك جيناۋدى, سۇرىپتاۋدى, كەدەگە جاراتۋدى جەنە قايتا ٶڭدەۋدٸ ەندٸرۋ بويىنشا "جول كارتاسى" جاساقتالعان.
دايىنداعان كەمشات ٸزباساروۆا
