ماڭعىستاۋدىڭ شٶل دالاسىنان بٸر توپ اققۋ تابىلدى. ەن دالادا شٶلدەن ەلسٸرەگەن قۇستاردى بورانقۇل اۋىلىنىڭ تۇرعىنى بايقاعان, دەپ xابارلايدى "ۇلت اقپارات".
ول اققۋلاردى ٷيٸنە ەكەلٸپ, سۋارماق بولعانىمەن ولار ادام قولىنان سۋ ٸشپەپتٸ. قۇستارعا ماماننىڭ كٶمەگٸ كەرەگٸن تٷسٸنگەن تۇرعىن دەرەۋ قۇزىرلى ورگاندارعا حابار بەردٸ. 10 اققۋدىڭ 4-ەۋٸ ٶز بەتٸنشە ۇشىپ كەتكەن. تاعى 3-ەۋٸ شٶلگە شىداماپتى. «قىزىلساي» مەملەكەتتٸك ٶڭٸرلٸك تابيعي پاركٸنٸڭ ينسپەكتورلارى قالعان 3 اققۋدى اقتاۋ قالاسىنا ەكەلٸپ, «قاراكٶل» كٶلٸنە جٸبەردٸ.
"جول بويى سۋ شاشىپ اققۋلاردىڭ جاعدايىن قاراپ وتىردىق. تاماقتاندىرىپ, سۋ بەرٸپ. تابيعاتتا كٶمەگٸن تيگٸزگەندەي جول بويى جاڭبىر سٸركٸرٸپ تۇردى. كەلگەن اققۋلاردىڭ دەنساۋلىعى مەن كٶڭٸل-كٷيٸ جاقسى", - دەيدٸ قىزىلساي مەملەكەتتٸك ٶڭٸرلٸك تابيعي پاركٸ "كٶلەڭكەلٸ" قاۋمالىنىڭ باسشىسى ٸزجان قالقانوۆ.
