اقتاۋداعى «قاسيەت» پلاستيكالىق حيرۋرگييا كلينيكاسىنا بارعاننان كەيٸن قايتىس بولعان ماڭعىستاۋ وبلىستىق مەسليحاتىنىڭ دەپۋتاتى ەربول ايتۋوۆتىڭ ٸسٸ جاڭا داۋعا ۇلاستى. مارقۇمنىڭ ٶلٸمٸنە قاتىستى ناقتى سەبەپتٸ انىقتاۋ ٷشٸن ەكسگۋماتسييا جاسالۋى مٷمكٸن, دەپ حابارلايدى ult.kz. Halyqstan تەلەگرام ارناسىنا سٸلتەمە جاساپ.
ماڭعىستاۋ وبلىستىق ادۆوكاتتار القاسىنىڭ ادۆوكاتى الدىرزا قۋانىشكەرەەۆتٸڭ ايتۋىنشا, دەپۋتاتتىڭ دەنەسٸ تۋىستارىنا سوت-مەديتسينالىق ساراپتاماسىز بەرٸلگەن. بۇل جايت قوعامدا ٷلكەن سۇراق تۋعىزدى.
ادۆوكاتتىڭ سٶزٸنشە, ەكسگۋماتسييا جاساپ, قايتا ساراپتاما جٷرگٸزۋ عانا ەربول ايتۋوۆتىڭ ناقتى نەدەن كٶز جۇمعانىن انىقتاۋعا مٷمكٸندٸك بەرۋٸ مٷمكٸن.
وسى ارادا كلينيكا ٶكٸلدەرٸ دە جاڭا مەلٸمدەمە جاسادى. مەديتسينالىق ورتالىقتىڭ باس دەرٸگەرٸ ارتۋر تەجيەۆ دەپۋتاتقا پلاستيكالىق وپەراتسييا جاسالماعانىن ايتتى.
ونىڭ مەلٸمەتٸنشە, ناركوز ەنگٸزٸلگەننەن كەيٸن ناۋقاستىڭ قان قىسىمى كٷرت كٶتەرٸلٸپ, 210–220-عا دەيٸن جەتكەن. وسىدان كەيٸن دەرٸگەرلەر وپەراتسييانى توقتاتقان.
كلينيكا كوماعا يەك ليپوساكتسيياسى مەن مويىن تارتۋ وپەراتسيياسى ەمەس, گيپەرتونييالىق كريز اياسىنداعى ينسۋلت سەبەپ بولدى دەپ وتىر.
الايدا قوعامدا تەرگەۋ ەرەكەتتەرٸنە قاتىستى كٷمەن كٷشەيٸپ كەلەدٸ. ەسٸرەسە مەديتسينالىق ارالاسۋدان كەيٸن كٶز جۇمعان ادامنىڭ مەيٸتٸنە سوت-مەديتسينالىق ساراپتاما جٷرگٸزٸلمەگەنٸ قىزۋ تالقىلانۋدا.
بەلگٸلٸ بولعانداي, ەربول ايتۋوۆ شىمكەنت قالاسىندا جەرلەنگەن.
