ماڭعىستاۋدا ارقار اتقان براكونەر – پوليتسەيلەر جۇمىستان قۋىلدى.
زاڭدى بەلشەسٸنەن باسقانداردىڭ جۇمىستان شىعارىلعاندىعى تۋرالى ماڭعىستاۋ وبلىسىنىڭ پوليتسييا دەپارتامەنتٸنٸڭ باسشىسى جاناربەك باقتىباەۆ مەلٸم ەتتٸ, دەپ حابارلايدى قازاقپارات تٸلشٸسٸ.
ەلەمجەلٸدە جەلدەي ەسكەن كادرلار كٶپتٸڭ جاعاسىن ۇستاتتى. تاسپادا قاسكٶيلەر تابيعات قورعاۋشىلارىن كٶرە سالا, قاشا جٶنەلگەن. كەيٸن انىقتالعانداي بەت-جٷزٸن بٷركەگەن تٶرت براكونەردٸڭ ەكەۋٸ پوليتسييا قىزمەتكەرٸ بولىپ شىقتى. قازٸر ارقار اتقان اڭشىلار ۇستالدى.
«شەتپە اۋىلىنىڭ تٶرت ازاماتى, ەرقايسىنىڭ قولىندا بٸر-بٸردەن مىلتىق بولعان. كٶلٸكتٸ تەكسەرۋ, قارۋ-جاراقتى الۋ, ولجالاعان ٶنٸمنٸڭ حاتتاماسى تولتىرىلىپ, ماڭعىستاۋ اۋدانىنىڭ پوليتسييا بٶلٸمٸنە تاپسىرىلدى. ٸشٸندە ەكٸ پوليتسييا قىزمەتكەرٸ بار ەكەنٸ بەلگٸلٸ بولدى.
تابيعات قورعاۋشىلارىنىڭ مەلٸمەتٸنشە, زاڭسىز اڭ اۋلاۋعا شىققان تەرتٸپ ساقشىلارى ينسپەكتورلاردى سٶزگە تارتىپ, جازادان قۇتىلىپ كەتۋگە ەرەكەتتەنگەن», - دەدٸ «قىزىلساي» مەملەكەتتٸك ٶڭٸرلٸك تابيعي پاركٸنٸڭ ديرەكتورى ومار سەرسەنعازيەۆ.
قاسكٶيلەر ەرەكشە قورعالاتىن «قىزىلساي» تابيعي پاركٸنٸڭ اۋماعىندا كٶلٸكپەن ەمٸن-ەركٸن جٷرگەن. تابيعات قورعاۋشىلارى براكونەرلەردٸ 100 شاقىرىمداي قۋىپ جٷرٸپ ۇستاعان. مامانداردىڭ ايتۋىنشا, كٶلٸكتەن تٶرت اڭشى مىلتىعى مەن جابايى اڭنىڭ ەتٸ تەركٸلەنگەن. قازٸر قىزىل كٸتاپقا ەنگەن تٷز تاعىسىن اتقاندارعا قاتىستى قىلمىستىق ٸس قوزعالدى.
