ماڭعىستاۋ وبلىسىندا 600 ٸرٸ شارۋا قوجالىعى مەن 6 مىڭعا جۋىق جەكە ٷي قوجالىعىنا قارجىلاي قولداۋ كٶرسەتٸلدٸ.
بۇل تۋرالى وبلىستىق قوعامدىق كوممۋنيكاتسييا ورتالىعىندا ٶتكەن بريفينگٸدە ماڭعىستاۋ وبلىسى اۋىل شارۋاشىلىعى باسقارماسىنىڭ باسشىسى سەرٸك قالدىعۇل مەلٸم ەتتٸ, دەپ حابارلايدى "ۇلت اقپارات".
«بيىل ماڭعىستاۋ وبلىسىندا قۋاڭشىلىقتان زارداپ شەككەن شارۋالارعا قارجىلاي قولداۋ كٶرسەتۋ ٷشٸن ٷكٸمەت رەزەرۆٸنەن 1,9 ملرد تەڭگە بٶلٸندٸ. قايتارىمسىز قاراجات تٶرت تٷلٸكتٸڭ انالىق باسى ٷشٸن مال ازىعىنا جۇمسالعان شىعىندى ٸشٸنارا ٶتەۋگە بەرٸلٸپ وتىر.
قازٸرگٸ تاڭدا بٶلٸنگەن قاراجاتتىڭ 57% يگەرٸلدٸ ياعني, 5900 جەكە قوسالقى ٷي شارۋا قوجالىقتارىنا 745 ملن. تەڭگە جەنە 575 شارۋا قوجالىعىنا 395 ملن. تەڭگە قارجىلاي مەملەكەتتٸك قولداۋ كٶرسەتٸلدٸ», - دەدٸ س. قالدىعۇل.
قازٸرگٸ ۋاقىتتا شارۋالاردى جەم-شٶپپەن قامتاماسىز ەتٸپ, مال ازىعى تاپشىلىعىن جويۋ ماقساتىندا بٸرقاتار جۇمىستار جٷرگٸزٸلٸپ جاتىر.
1. جەرگٸلٸكتٸ بيۋدجەتتەن 150 ملن.تەڭگە بٶلٸنٸپ, «كاسپيي» ەكك اق-ى ارقىلى اتالعان قايتارىمدى قارجىعا 15 شٸلدەدەن بەرٸ ەر قالا, اۋدانداردان تاعايىندالعان وپەراتورلار قاجەتتٸلٸككە قاراي شٶپ تاسىمالداپ جاتىر.
بٷگٸنگٸ كٷنگە دەيٸن 1350 توننا شٶپ ساتىپ الىندى. بۇل جۇمىستار جىل اياعىنا دەيٸن جالعاسادى.
2. جەرگٸلٸكتٸ بيۋدجەتتەن 54 ملن تەڭگە بٶلٸنٸپ, قايتارىمدى قاراجاتقا اۋدانداردان تاعايىندالعان وپەراتورلار قوستاناي وبلىسىنان 950 توننا ارپا جەتكٸزدٸ. قازٸرگٸ تاڭدا ارپا تٷگەل ساتىلىپ, اينالىمداعى قارجىعا قوسىمشا 1 مىڭ توننا مال ازىعىن ساتىپ الۋ جۇمىستارى جٷرۋدە.
3. سونىمەن قاتار 107 ملن تەڭگەگە 15 ۆاگون 3-4 سورتتى بيداي (بيداي قالدىعى) ساتىپ الىندى, جاقىن كٷندەرٸ ٶڭٸرگە جەتكٸزٸلەدٸ.
جالپى جىل باسىنان بەرٸ وبلىسقا 41 500 توننا شٶپ تاسىمالداندى. سونىڭ 3500 تونناسى ٶزگە ٶڭٸرلەردەن كٶمەك رەتٸندە جەتكٸزٸلٸپ, قۋاڭشىلىقتان زارداپ شەككەن مال يەلەرٸنە تەگٸن ٷلەستٸرٸلدٸ. ال, ٶڭٸرگە تاسىمالدانعان جەم كٶلەمٸ 24 مىڭ توننانى قۇرادى.
سپيكەرلەر اۋىل شارۋاشىلىعى جانۋارلارىن بٸردەيلەندٸرۋ بازاسىنا تٸركەلمەگەن مالعا مەملەكەت تاراپىنان سۋبسيدييا نەمەسە قولداۋ كٶرسەتٸلمەيتٸنٸن ايتتى.
قازٸر ٶڭٸردە 636 824 باس مال تٸركەلگەن. ونىڭ ٸشٸندە ٶلگەنٸ - 1163 (جالپى سانىنىڭ 0,18%). ٶلگەن مالدىڭ 194-ٸ عانا اۋىلشارۋاشىلىعى جانۋارلارىن بٸردەيلەندٸرۋ دەرەكقورىنا تٸركەلگەن.
تٶتەنشە جاعدايلار دەپارتامەنتٸ اۋا ىلعالدىلىعىنا تەكسەرۋ جٷرگٸزدٸ. نەتيجەسٸ تٶتەنشە جاعداي جارييالاۋ شارتتارىنا سەيكەس كەلگەن جوق. سونداي-اق, جانۋارلار اراسىندا ۋلانۋ مەن جۇقپالى اۋرۋعا شالدىعۋ دەرەگٸ تٸركەلمەدٸ جەنە ٶسٸمدٸكتەر زييانكەستەردەن زاقىمدانباعان, ياعني تٶتەنشە جاعداي جارييالاۋعا زاڭدى نەگٸز جوق.
سونىمەن قاتار ٶڭٸردە قىسقى مال ازىعىنىڭ قورىن دايىنداۋ قىزۋ جٷرٸپ جاتىر.
2021-2022 جىلدارعا ٶڭٸردەگٸ تٶرت تٷلٸكتٸ قىستىق مال ازىعىمەن قامتاماسىز ەتۋ ماقساتىندا, قر پرەمەر-مينيسترٸ ا.ماميننٸڭ تاپسىرماسىنا سەيكەس, بيۋدجەتتەن قايتارىمدى قاراجات رەتٸندە مال ازىعىنا 5,3 ملرد تەڭگە قارجى بٶلٸندٸ (1,9 ملرد تەڭگە – شٶپ, 3,4 ملرد تەڭگە – جەم).
«بۇل قارجىعا جىل سوڭىنا دەيٸن 26 مىڭ توننا شٶپ پەن 34 مىڭ توننا جەم ساتىپ الىنادى دەپ جوسپارلانعان. قازٸر اتالعان قارجىنىڭ 600 ملن تەڭگەسٸنە مال ازىعىن تاسىمالدايتىن وپەراتورلار تاعايىندالىپ, ٶزگە ٶڭٸرلەردەن شٶپ تاسىمالداۋ جۇمىسى باستالىپ كەتتٸ», - دەدٸ قالدىعۇل.
بۇدان بٶلەك اتىراۋ مەن اقتٶبە وبلىستارىنىڭ شابىندىق جەرلەرٸنەن شٶپ شابۋعا 5 شارۋا قوجالىعى اتتاندى. ولار ٶزدەرٸنە قور جيناپ, ارتىعىن ٶزگە مال يەلەرٸنە ساتادى.
سونىمەن قاتار بٷگٸنگٸ كٷنٸ جەرگٸلٸكتٸ شابىندىقتا 14 بريگادا شٶپ شاۋىپ جاتىر. ولار جىل اياعىنا دەيٸن 15 مىڭ توننا شٶپ دايىنداماق.
