كٶرنەكٸ سۋرەت: pixabay.com
ماڭعىستاۋ وبلىسىنداعى كەندٸرلٸ دەمالىس ايماعىندا جىلىنا 300 مىڭ ادامعا دەيٸن قابىلداي الاتىن تۋريستٸك قالا سالىنادى, دەپ حابارلايدى "ۇلت اقپارات".
پرەزيدەنتتٸڭ بيىلعى ماۋسىم ايىندا ٶتكەن تۋريزمدٸ دامىتۋ جٶنٸندەگٸ كەڭەستە بەرگەن تاپسىرمالارىن ٸسكە اسىرۋ ماقساتىندا ماڭعىستاۋ وبلىسىندا ٶڭٸردٸڭ تۋريستٸك ەلەۋەتٸن دامىتۋ بويىنشا جۇمىستار جٷرگٸزٸلەدٸ.
ٷكٸمەتتٸڭ مەلٸمەتٸنشە, كەندٸرلٸ كۋرورتتى ايماعىندا جىلىنا 300 مىڭ ادامعا دەيٸن قابىلداي الاتىن تۋريستٸك قالا سالىنادى. ينجەنەرلٸك ينفراقۇرىلىم قۇرىلىسى باستالدى.
"كەندٸرلٸ تەڭٸز جاعالاۋىنىڭ ەرەكشەلٸگٸ – شومىلۋ ماۋسىمىنىڭ ۇزاقتىعى. گەوگرافييالىق ورنالاسۋى دا ماڭىزدى رٶل اتقارادى. ول ٶزٸنٸڭ بٸرەگەيلٸگٸنٸڭ ارقاسىندا تۋريستەردٸ تارتۋعا ىڭعايلى. وسىعان بايلانىستى پرەزيدەنت كەندٸرلٸ تۋريستٸك ايماعىن قۇرۋ بويىنشا ناقتى تاپسىرما بەردٸ. بٸز تيٸستٸ ينفراقۇرىلىمى بار جەنە تۋريستەرگە قىزمەت كٶرسەتەتٸن ارنايى تۋريستٸك قالاشىق سالۋدى جوسپارلاپ وتىرمىز. بۇل جاڭاٶزەن قالاسىنىڭ نەگٸزگٸ جٷكتەمەسٸنٸڭ تٶمەندەۋٸنە جاقسى ەسەر ەتەدٸ", – دەدٸ كەندٸرلٸ اۋىلىنىڭ ەكٸمٸ مەكەن ٷيسەنوۆ.
ەسكە سالايىق, بۇعان دەيٸن پرەزيدەنت بيىلعى جولداۋىندا قاتونقاراعاي, زايسان جەنە كەندٸرلٸ ٶڭٸرلەرٸ اۋماعىندا ەۋەجاي, ەۋە بەكەتتەرٸن سالۋ كەرەك ەكەنٸن مەلٸمدەدٸ. وسىنداي دەمالىس ايماقتارىندا ساپاسى جوعارى جول ينفراقۇرىلىمى بار ەۋە بەكەتتەرٸ مەن ەۋەجايلار سالۋ قاجەت دەدٸ ەل باسشىسى.
