ماڭعىستاۋ وبلىسىندا جۇمىسسىز اۋىل تۇرعىندارى جۇمىسقا ورنالاستىرۋدى تالاپ ەتٸپ, جولدى جاۋىپ تاستادى, - دەپ حابارلايدى Tengrinews.kz اگەنتتٸگٸ.
"29 ماۋسىم ساعات 18.20-دا جەتٸباي مەن مۇنايشىنىڭ 30-عا جۋىق جۇمىسسىز تۇرعىنى مۇناي سەكتورىنا جۇمىسقا ورنالاستىرۋدى تالاپ ەتٸپ, "ماڭعىستاۋمۇنايگاز" اق كەن ورنىنا باراتىن جولدى جاۋىپ تاستادى", – دەپ حابارلايدى ماڭعىستاۋ وبلىسىنىڭ ەكٸمدٸگٸ.
قاراقييا اۋدانى ەكٸمدٸگٸنٸڭ ٶكٸلدەرٸ جينالعاندارعا تٷسٸندٸرمە جۇمىستارىن جٷرگٸزدٸ.
"ولارعا جۇمىسقا ورنالاستىرۋ جالپى كەزەك بويىنشا جٷرگٸزٸلەتٸنٸ حابارلاندى. كەزەكتەن تىس جۇمىسقا ورنالاستىرۋ باسقا ٷمٸتكەرلەرگە جاسالعان ەدٸلەتسٸزدٸك بولادى", - دەلٸنگەن حابارلامادا.
ەكٸمدٸك اۋداندا جىل باسىنان بەرٸ 366 جۇمىس ورنى اشىلعانىن, بۇل ماقساتقا 2022 جىلى ٶڭٸرلٸك جوبا اياسىندا 180 ميلليون تەڭگە بٶلٸنگەنٸن باسا ايتتى.
"قازٸر بۇل باعدارلاما بويىنشا 172 ادام جۇمىس ٸستەيدٸ. جۇمىسشىلاردىڭ ورتاشا جالاقىسى 170 000 تەڭگەنٸ قۇرادى. ايتا كەتەيٸك, قازٸرگٸ ۋاقىتتا وبلىستىق جۇمىسپەن قامتۋ ورتالىعىندا ورتاشا جالاقىسى 100 000 تەڭگەدەن اساتىن بوس ورىندار بار. بٸراق تۇرعىنداردىڭ باسىم بٶلٸگٸ جالپى كەزەكتٸ اينالىپ ٶتٸپ, مۇناي سالاسىنا جۇمىسقا ورنالاستىرۋدى تالاپ ەتٸپ, قاراپايىم جۇمىسقا بارۋدان باس تارتادى", - دەپ قورىتىندىلادى ەكٸمشٸلٸك.
كەيٸن وبلىس ەكٸمدٸگٸ قاراقييا اۋدانىنىڭ ەكٸمٸ, ٸٸب باستىعىنىڭ بٸرٸنشٸ ورىنباسارى, سونداي-اق اۋداندىق پروكۋراتۋرا مەن ٸشكٸ ٸستەر ورگاندارىنىڭ باسشىلارى جينالعاندارمەن تٷسٸندٸرمە ەڭگٸمە جٷرگٸزگەنٸن ايتتى.
جٷرگٸزٸلگەن تٷسٸندٸرۋ جۇمىستارىنىڭ نەتيجەسٸندە ساعات 21.40-تا بارلىق جۇمىسسىز ازاماتتار تاراعان.
